ပေါ့ပေါ့ပါးပါး ပြုံးစရာ (၆)
Wednesday, April 14, 2010
မှတ်ဥာဏ်ကောင်းစေတဲ့ ကျောင်း
အသက်အရွယ်ကြီးကြီး စုံတွဲတစ်တွဲဟာ မှတ်ဥာဏ်စွမ်းအားတွေ ကျဆင်းကုန်တာနဲ့ မှတ်ဥာဏ်ကောင်းအောင် လေ့ကျင့်ပေးတဲ့ သင်တန်းကျောင်းတစ်ခုကို သွားရောက်ပြီး သင်တန်းတက်ကြပါတယ်..
သင်တန်းတက်လို့ ရက်အနည်းငယ်ကြာတဲ့အခါမှာ အဖိုးအိုဟာ အိမ်အပြင်ကိုထွက်ပြီး အိမ်နီးချင်းတစ်ဦးနဲ့ စကားစမြည်ပြောဆိုနေပါတယ်..
“ခင်ဗျားတို့ သင်တန်းဆရာရဲ့ နံမည်က ဘယ်သူလဲဗျ ” အိမ်နီးချင်းက မေးပါတယ်..
“အင်း နေဦး ကျုပ်စဉ်းစားပါရစေဦး.. ခင်ဗျားသိလား ပန်းတစ်မျိုးဗျာ.. အနံ့လေးက မွှေးတယ်.. တော်တော်လဲလှတယ်. ဒါပေမဲ့ သူ့ရိုးတံမှာ ဆူးတွေနဲ့လေဗျာ…”
အိမ်နီးချင်းက “နှင်းဆီပန်း လေဗျာ ” လို့ပြန်ဖြေတယ်..
“အား ဟုတ်တယ် နှင်းဆီ..” လို့ ရေရွတ်ပြီး အိမ်ထဲကိုလှည့်ကာ “ ဟေ့ မနှင်းဆီ .. ငါတို့ သင်တန်းကျောင်းက ဆရာရဲ့ နံမည်က ဘယ်သူလဲကွ ” လို့ အိမ်ထဲက မိန်းမဖြစ်သူကို လှမ်းမေးလိုက်ပါတော့တယ်…
( တော်တော် ဆိုးပါလား.. မိန်းမနံမည်တောင် ဒီလောက် ဆက်စပ် စဉ်းစားယူနေရတယ်.. ) :) :)
-----------------------------------------------------------------------------------------------------
တော်လိုက်တဲ့ အမူးသမား
အရက်သမားတစ်ယောက်ဟာ ငိုယိုပြီး အရက်ဘားတစ်ခုထဲကို ၀င်လာပါတယ်.. လူတစ်ယောက်က သူ့ကို “ဘာဖြစ်လာတာလဲ ”လို့ လှမ်းမေးလိုက်တော့ “ကျွန်တော် ဆိုးဆိုးဝါးဝါးကိစ္စတစ်ခုကို လုပ်ခဲ့မိပြီဗျာ.. လွန်ခဲ့တဲ့ တစ်နာရီလောက်က ကျွန်တော့မိန်းမကို တောင်ပိုင်းကလာတဲ့ အရက်တစ်ပုလင်းနဲ့ ကျွန်တော် ရောင်းပစ်လိုက်မိတယ်” လို့ ငိုရှိုက်ရင်း ဖြေပါတယ်..
“ဟာ ဆိုးလိုက်တာ.. ဒါဆို အခု ခင်ဗျား နောင်တရနေပြီပေါ့.. ခင်ဗျားမိန်းမကို ပြန်လိုချင်နေပြီမဟုတ်လား ”ထိုလူက အရက်သမားကို ပြန်ပြောပါတယ်..
“ဟုတ်ပါတယ်ဗျာ”.. အရက်သမားကလည်း ငိုရင်းက ပြန်ဖြေပါတယ်..
“ခုတော့ ခင်ဗျား သူ့ကို ဘယ်လောက်ချစ်တယ်ဆိုတာ အခုချိန်ကျမှာ သဘောပေါက်ပြီမဟုတ်လား.. ခင်ဗျားသူ့ကို ခုထိ ချစ်နေသေးတယ်မဟုတ်လား ”
“မဟုတ်တာဗျာ.. ကျွန်တော် သူ့ကိုပြန်လိုချင်တာက ကျွန်တော်အခု အရက်သိပ်သောက်ချင်နေပြီဗျ..”
(ဒီလိုလူတော့ ဝေးဝေးက ရှောင်မည်) :) :)
--------------------------------------------------------------------------------------------------------------
ကုလားအုတ် အကောင်တစ်ရာ
အမေရိက ကနေ အစ္စရေးကို အလည်ရောက်နေတဲ့ မောရစ်စ် နဲ့ သူ့ဇနီးဟာ လက်ဆောင်ပစ္စည်း အရောင်းဆိုင် ရှေ့မှာ ထိုင်ရင်း အတူလာတဲ့ အခြားခရီးသည်တွေ ရောက်အလာကို စောင့်ဆိုင်းနေပါတယ်.. ဒီအချိန်မှာ အာရပ် အရောင်းသမားတစ်ဦးဟာ ရောင်းချစရာ ပစ္စည်းတစ်ချို့တစ်လေကို သယ်ပိုးပြီး သူတို့၂ယောက်ဆီ ရောက်လာကာ သူ့ထံက ပစ္စည်းတွေကို ၀ယ်ယူဖို့ ပြောဆိုရောင်းချပါတယ်.. သို့သော်လည်း ပစ္စည်းတစ်ခုတစ်လေကိုမှ မောရစ်စ်တို့က မ၀ယ်ယူပါဘူးတဲ့.. ဒီတော့ အာရပ်က မောရစ်စ်ကို “ ဘယ်က လာသလဲ ”လို့ မေးပါတယ်..
အမေရိက လို့ မောရစ်က ပြန်ဖြေတော့ ဆံပင်အနက်ရောင်၊ သံလွင်သီးရောင် အသားအရေရှိတဲ့ မောရစ်စ်ရဲ့ ဇနီးကိုကြည့်ပြီး “သူကတော့ အမေရိက ကမဟုတ်ဘူးထင်တယ်” .. လို့ မေးပြန်ပါတယ်..
သူ့ဇနီးဖြစ်သူက “ဟုတ်ကဲ့ ကျွန်မ အမေရိက က မဟုတ်ပါဘူး” လို့ ဖြေပါတယ်..
“ဒါက ခင်ဗျားယောက်ျားလား” လို့ မောရစ်ဘက်ကို လက်ညိုးညွှန်လိုက်ကာ မေးပြန်ပါတယ်..
ဒီတော့ အမျိုးသမီးက “ဟုတ်တယ် ကျွန်မယောက်ျားပါ”လို့ ဖြေပါတယ်..
အာရပ်က မောရစ်စ်ဘက် လှည့်လိုက်ပြီး “ခင်ဗျား သူ့ကိုရောင်းမယ်ဆိုရင် ကျွန်တော် သူ့အတွက် ကုလားအုတ်အကောင်တစ်ရာ ပေးချေပါ့မယ်.. ” လို့ပြောလိုက်ပါတယ်. ဒီတော့ မောရစ်ဟာ အချိန်တော်တော်ကြာ စဉ်းစားနေပြီးမှ “ သူက ရောင်းဖို့မဟုတ်ပါဘူး ” လို့ ပြန်ပြောလိုက်ပါတယ်။
မောရစ်စ်စကားကြားတော့ အာရပ်လည်း လှည့်ထွက်သွားပါတယ်.. ဒီမှာတင် မောရစ်စ်ရဲ့ မိန်းမက ဒေါသဖြစ်ဖြစ်နဲ့ “ရှင် ဒီအဖြေပေးဖို့ ဘာကြောင့် ဒီလောက်စဉ်းစားနေတာလဲ” လို့မေးလိုက်ပါတယ်..
ဒီတော့ မောရစ်စ်က “အား ငါက ဒီကုလားအုတ် အကောင်တစ်ရာကို သယ်ပြီး ဘယ်လိုအိမ်ပြန်မလဲလို့ စဉ်းစားနေလို့ပါ ” တဲ့။
(ဆိုးပါ့)
--------------------------------------------------------------------------------------------------------------
မင်္ဂလာ နှစ်ပတ်လည် လက်ဆောင်
မင်္ဂလာနှစ်ပတ်လည် အနှစ်၃၀ပြည့် နီးကပ်လာချိန်မှာ နှစ်၃၀ပြည့် အထိမ်းအမှတ်အတွက် ဘာလက်ဆောင် လိုချင်သလဲလို့ ယောက်ျားဖြစ်သူက သူ့မိန်းမကို မေးပါတယ်..
ယောက်ျား။ ။ မိန်းမရေ.. အင်္ကျီကောင်းကောင်း လှလှလေးတွေ လိုချင်သလား
မိန်းမ ။ ။ တော်ပါပြီ.. မလိုချင်ပါဘူး
ယောက်ျား။ ။ ဒါဆို ကားအသစ်တစ်စီး ယူမလား
မိန်းမ ။ ။ ဟင့်အင်း.. မယူတော့ပါဘူး
ယောက်ျား။ ။ ဒါဆို အိမ်အသစ်လှလှလေး တစ်လုံးလား
မိန်းမ ။ ။ ဟင့်အင်း
ယောက်ျား။ ။ ဒါဆို မင်းဘဲပြော… နှစ်ပတ်လည် လက်ဆောင် ဘာယူမလဲဆိုတာ
မိန်းမ ။ ။ ကျွန်မ ရှင်နဲ့ ကွာရှင်းချင်တယ်….
ယောက်ျား။ ။ အိုး.. ဆောရီး အချစ်ရေ.. ကိုယ် ဒီလောက်ငွေကုန်ကြေးကျများမဲ့ ကိစ္စအတွက် အစီအစဉ် မလုပ်ရသေးဘူး။
(ဟုတ်တာပေါ့.. ကွာရှင်းရင် မိန်းမဖြစ်သူကို ယောက်ျားက ပိုင်ဆိုင်သမျှရဲ့ တစ်ဝက်ကို ခွဲပေးရမှကိုး) :) :)
------------------------------------------------------------------------------------------------------------
အားလုံးဘဲ ပျော်ရွှင်ကြပါစေရှင်..
ချော(အစိမ်းရောင်လွင်ပြင်)
လှအိုးကွဲ
Saturday, April 10, 2010
Photo from Here
ပြောရဦးမယ်ဗျာ ကျွန်တော်တို့ရွာက ကောင်မလေး တစ်ယောက်အကြောင်း…..
သူ့နံမည်က လှအုန်းမယ် တဲ့.. ကျွန်တော်တို့ရွာမှာတော့ သိပ်ချောတဲ့ ကောင်မလေးပေါ့ဗျာ.. ကွမ်းတောင်ကိုင်လေး ဆိုပါတော့.. ရွာက ကာလသားတွေများ သည်းသည်းကိုလှုပ်လို့.. အင်း ကျွန်တော်လည်းပါသလား ဆိုတော့ ဟဲဟဲ ဒါတော့ ဘယ်ပြောလို့ဖြစ်မလဲ..ပါတာပေါ့ဗျ.. ဘယ်နေလိမ့်မတုန်း.. ဒါနဲ့ လှအုန်းမယ်လေးက ဘယ်သူနဲ့တူသလဲဆိုတော့ ရွာက ဗွီဒီယိုရုံမှာ ခနခန ပြတတ်တဲ့ ဟို ရုပ်ရှင်မင်းသမီးလေ.. ဘယ်သူပါလိမ့်.. နံမည်က ခပ်မေ့မေ့.. အော် သိပြီ.. ခိုင်သင်းကြည်ရယ်လေဗျာ .. ဟုတ်တယ် လှအုန်းမယ်က ခိုင်သင်းကြည်နဲ့ တူတယ်ဗျ.. နောက်တူတာတစ်ခုက ဇာတ်ကားတွေမှာ ခိုင်သင်းကြည်က သိပ်စွာတယ်.. လှအုန်းမယ်ကလဲ အပြင်မှာ စွာကျယ်မ.. ဆတ်ဆတ်ကြဲ.. ရွာက ကာလသားတွေ သူ့ကို ကြိုက်ပေမဲ့ သူ့ပါးစပ်ကိုလန့်တယ် ဘယ်သူကမှ အနား မကပ်ရဲဘူး.. လှအုန်းမယ်ကလည်း သူ့ကိုယ်သူ ခိုင်သင်းကြည်နဲ့တူတယ် ဆိုတာသိတော့ ဘ၀င်က မြှင့်တယ်ဗျ.. သူနဲ့ တူတယ် တန်တယ်ဆိုတဲ့သူ ရွာမှာ မရှိတော့ဘူးမှတ်တာ..
ဒီလိုနဲ့ ရွာမှာ စုပေါင်းရှင်ပြုပွဲ ရှိတယ်ဆိုပါတော့ဗျာ.. စုပေါင်းရှင်ပြုပွဲဆိုတဲ့အတိုင်း ရှင်လောင်းပေါင်းများစွာ စုပေါင်းပြီး ပြုကြမှာဆိုတော့ ခြိမ့်ခြိမ့်သည်းပေါ့.. ဇာတ်တောင်မှ နံမည်ကြီး ဖိုးချစ်ဇာတ်ကို ငှားတာ… တစ်ရွာလုံးလဲ တက်တက်ကြွကြွ၊ ကာလသားတွေကလဲ ရှင်ပြုမဏ္ဍပ်တွေဆောက်၊ ရွာလူကြီးတွေကလဲ အလှူအတွက် လိုအပ်တာတွေ မြို့ကို ဈေးဝယ်ထွက်ကြ၊ အပျိုအုပ်စုကလဲ အလှူမှာ ချက်ပြုတ်ကျွေးမွေးမဲ့ အသင်းတွေ ဖွဲ့ကြ တာဝန်တွေ ခွဲကြနဲ့ တစ်ရွာလုံး ဘယ်သူမှ မကျန်ပါဘူး.. အလှူအတွက် ၀ိုင်းဝန်းနေကြတာ.. ကျွန်တော်တို့ ရွာမှာ ထုံးစံက အလှူလှည့်တဲ့နေ့မှာ အချောဆုံး အပျို ၂၄ယောက်ကို ပရိတ်အိုး ကိုင်ခိုင်းရတယ်.. ပရိတ်အိုးတစ်လုံးစီမှာ ဟေတုပစ္စယော၊ အရမဏပစ္စယော စသဖြင့် ၂၄ ပစ္စယောကို တစ်အိုးတစ်လုံးစီ ရေးထားတယ်ဗျာ... ၂၄ပစ္စယောဆိုတော့ အိုး၂၄လုံးပေါ့.. အိုးထဲမှာ ချည်လုံးတစ်လုံးရယ် သပြေခက်၊ အုန်းရွက်၊ ဒန်းရွက် စတာတွေ ပါတယ်.. အဲလို အလှူလှည့်တဲ့နေ့မှာ ပရိတ်အိုးကိုင် ရှေ့ဆုံးကောင်မလေးက လှအုန်းမယ်ပေါ့ဗျာ... သူက အချောဆုံးဆိုတော့ ရှေ့ဆုံးပေါ့…
လှအုန်းမယ်က ဒီတစ်ခေါက် ထူးထူးခြားခြား ဒေါက်မြှင့်ဖိနပ်လေးနဲ့ဗျ.. သိပ်မကြာခင်က ဗွီဒီယိုတစ်ကားမှာ ခိုင်သင်းကြည် စီးသွားတဲ့ ဖိနပ်ဆိုလား.. အလှူအတွက် မြို့တက်ပြီး ဈေးသွားဝယ်တဲ့ အဖွဲ့ကို မှာလိုက်တာလို့ ကြားမိတယ်.. ဒေါက်ဖိနပ်နဲ့ဆိုတော့ ကြည့်ရတာ ပိုတောင်လှနေတယ်လို့ ထင်မိသေး.. ဒါပေမဲ့ ခက်တာက ဒေါက်ဖိနပ်ကို သူက စီးကျင့်မရှိဘူး.. ပြီးတော့ ကျွန်တော်တို့ရွာက လမ်းတွေကလဲ မြို့မှာလို ကတ္တရာလို့ခေါ်တဲ့ မဲမဲကြီးတွေ ခင်းထားတဲ့လမ်းတွေမဟုတ်ဘူးဗျာ.. မြေလမ်းကြမ်းကြမ်းပေါ်မှာ ကျောက်ခဲနဲ့ သလဲတွေနဲ့.. စီးကျင့်မရှိတဲ့ ဒေါက်ဖိနပ်နဲ့ ကျောက်ခဲတွေရှိနေတဲ့ မြေလမ်းခပ်ကြမ်းကြမ်းနဲ့ ဆိုတော့ သူလမ်းလျှောက်တာက ဟိုဘက်ယိုင်လိုက် ဒီဘက်ယိုင်လိုက်နဲ့.. ကြည့်ရတာ ဘယ်လိုမှ အဆင်မပြေပါဘူးဗျာ. အလှူလှည့်တာကို ၀ိုင်းကြည့်နေတဲ့ ရွာသူရွာသားတွေ ကလည်း လှအုန်းမယ်အဖြစ်ကို ကြည့်ပြီး ပြုံးစိစိနဲ့ပေါ့.. ဒါပေမဲ့ ဘယ်သူကမှတော့ အသံထွက်အောင် မရယ်ရဲဘူး.. သူ့ပါးစပ်ကို ကြောက်ကြတယ်လေ..
ဒီလိုနဲ့ ရွာလည်ပိုင်း လူစည်ကားတဲ့နေရာရောက်လာလေ လှအုန်းမယ်ရဲ့ဒေါက်ဖိနပ်က အခြေအနေ ဆိုးလေ.. ကြည့်ရတာ တစ်ခါမှ မစီးဖူးလို့ လမ်းလျှောက်ခက်တာအပြင် ဖိနပ်ပေါက်တဲ့ ဒဏ်ပါ ခံရပြီထင်ပါရဲ့.. ယိုင်နဲ့နဲ့ လျှောက်နေရာကနေ လူပေါင်းများစွာကလဲ ၀ိုင်းကြည့်နေတော့ ရှက်ကိုးရှက်ကန်းပေါ့.. ဒီချိန်မှာဘဲ လမ်းပေါ်မှာ ပြန့်ကြဲနေတဲ့ ကျောက်စရစ်ခဲလေးတစ်တုံးကို နင်းမိပြီးသကာလ လှအုန်းမယ်ရဲ့ ခြေထောက်က ခေါက်ခနဲဖြစ်ပြီး မြေကြီးပေါ် ခြေချော်ပြီး လဲကျသွားပါတော့တယ်… လဲကျသွားတော့ လှအုန်းမယ် လက်နဲ့ပိုက်ထားတဲ့ ပရိတ်အိုးက မြေပြင်ပေါ် ပြုတ်ကျပြီး ခွမ်းခနဲဆို နှစ်ခြမ်း ကွဲပါလေရော.. နဂိုက သူလှမ်းလျှောက်ပုံကို ကြည့်ပြီး ပြုံးစိစိဖြစ်နေကြတဲ့ ရွာလူထုနဲ့ အလှူလှည့်ရာမှာ ပါဝင်ကြတဲ့သူ အားလုံးဟာ ဘယ်လိုမှ အိနြေ္ဒမဆည်နိုင်တော့ဘဲ မပြုံးဘဲ ၀ါးလုံးကွဲ ၀ိုင်းရယ်ကြပါတော့တယ်.. ဒီမှာတင် လှအုန်းမယ်လေး ချော်လဲတော့ သူ့ကို ကြိုက်နေတဲ့ ရွာက ကာလသား ကိုလူအေးက မနှေးကလေး အပြေးသွားပြီး သွားဆွဲထူရာမှာ ရှက်စိတ်လဲမွန်၊ ဒေါသတွေလဲ ဝေနေတဲ့ လှအုန်းမယ်က ရှက်ရှက်နဲ့ လုပ်မိလုပ်ရာ လုပ်လိုက်တာက လာဆွဲထူတဲ့ ကိုလူအေးကို သူ့ရှေ့က အိုးခြမ်းကွဲနဲ့ ကောက်ထုလိုက်တာမှာ ကိုလူအေး ခေါင်းကွဲပါလေရော… လှအုန်းမယ်ရဲ့ ဒေါသကို ထည့်မတွက်မိဘဲ စေတနာပိုမိတဲ့ ကိုလူအေးရဲ့အဖြစ်က ထိပ်ပေါက်ခေါင်းကွဲ ဖြစ်ရရှာပါတယ်.. စေတနာဆိုတာလည်း အခြေအနေနဲ့ အချိန်အခါကို ကြည့်ပြီး ထားတတ်ဖို့လဲ လိုသေးတာကိုးဗျ...
အဖြစ်ကတော့ အဲဒီလိုပါဘဲဗျာ.. ကျွန်တော်တို့ ရွာအလှူအကြောင်းပြောတိုင်း လှအုန်းမယ်နဲ့ ကိုလူအေးရဲ့ အကြောင်းက မပါမပြီးပေါ့.. စေတနာကောင်းလို့ ခေါင်းကွဲသွားတဲ့ ကိုလူအေးကို အကြောင်းပြုပြီး တစ်ယောက်ယောက်ကို စေတနာပိုနေရင် “ သတိထား ကိုလူအေးလို ဖြစ်မယ်နော် ” လို့ ရွာမှာ ပြောစမှတ် ပြုကြသလို အလှူမှာ လှချင်လွန်းအားကြီးလွန်းလို့ မတန်မရာ ဒေါက်ဖိနပ်စီးပြီး ချော်လဲကာ ပရိတ်အိုး ကျကွဲတဲ့ လှအုန်းမယ်ကို အဲဒီနေ့ကစလို့ တစ်ရွာလုံးက လှအိုးကွဲ ရယ်လို့ နံမည်ပေးလိုက်ကြတယ်ဗျာ.. လှတပတ ချောချောမောမော ရွာရဲ့ကွမ်းတောင်ကိုင်ကလေးဟာ ဒေါက်မြှင့်ဖိနပ်ကို အကျင့်မရှိဘဲ စီးမိတဲ့ အတွက် လူပုံလယ်မှာ အရှက်ကွဲရသလို၊ နံမည်ရင်းပျောက်ပြီး လှအိုးကွဲ လို့ အမည်တွင်သွား ရတာသာ ကြည့်တော့ဗျာ.. တစ်ခုခုဆို ကိုယ့်အရပ်နဲ့ ကိုယ့်ဇာတ် တန်မတန်၊ သင့်မသင့်လဲ ကြည့်ဖို့လိုသေးတာကိုးဗျ..
ပြုံးပြုံးရယ်ရယ် ဖတ်ဖို့ပါ....
အားလုံးဘဲ ပျော်ရွှင်ချမ်းမြေ့ကြပါစေရှင်...
ချော(အစိမ်းရောင်လွင်ပြင်)
ပေါ့ပေါ့ပါးပါး ပြုံးစရာ(၅)
Sunday, March 28, 2010
ဓာတ်ပုံဆရာ
နေရှင်နယ်မဂ္ဂဇင်းတစ်ခုမှ ဓာတ်ပုံဆရာတစ်ယောက်ဟာ တောမီးလောင်ကျွမ်းမှုတစ်ခုကို ဓာတ်ပုံရိုက်ကူးပေးဖို့ စေခိုင်းခြင်း ခံရပါတယ်.. ပြီးတော့လဲ လောင်ကျွမ်းနေတဲ့ တောမီးအပေါ်ကို လေယာဉ်တစ်စီးနဲ့ လိုက်ပါ ပျံသန်းပြီး ဓာတ်ပုံကို ရိုက်ကူးလာဖို့ ညွှန်ကြားခြင်းခံရပါတယ်…
နေမ၀င်ခင် ၁နာရီလောက်အလိုမှာ ဓာတ်ပုံဆရာဟာ တောမီးလောင်ကျွမ်းနေတဲ့ အနီးက လေယာဉ်အဆင်းအတက် လုပ်နိုင်တဲ့ ကွင်းတစ်ခုကို ရောက်ရှိသွားပါတယ်.. ကံကောင်းတာက လေယာဉ်လေးတစ်စီးဟာ ပျံတက်ဖို့ အဆင်သင့် အနေအထားနဲ့ စောင့်ဆိုင်းနေတာကို တွေ့လိုက်ရတော့ ဓာတ်ပုံဆရာလဲ ၀မ်းသာအားရ လေယာဉ်ထဲကို တက်လိုက်ပြီး လေယာဉ်မောင်းသူကို သွားကြစို့လို့ ပြောလိုက်ပါတယ်.. လေယာဉ်မောင်းသူလဲ လေယာဉ်ကို လေထဲရောက်အောင် ပျံတက်လိုက်ပါတယ်.. လေထဲရောက်ချိန်မှာ ဓာတ်ပုံဆရာက တောမီးနဲ့ အနီးဆုံးနေရာကနေ ခပ်နိမ့်နိမ့်နဲ့ အကြိမ်များများ ပျံပေးပါလို့ လေယာဉ်မောင်းသူကို ပြောလိုက်ပါတယ်..
“ဘာဖြစ်လို့လဲဗျ ” လေယာဉ်မောင်းသူက ပြန်မေးလိုက်ပါတယ်။
“အာ ကျွန်တော်က ဓာတ်ပုံရိုက်ရမယ်လေ… ဓာတ်ပုံဆရာပါဆို ဓာတ်ပုံရိုက်မှာပေါ့ဗျ ” လို့ ပြန်ပြောလိုက်ပါတယ်..
“ဘာဗျ.. ဒါဆို ခင်ဗျားက ဒီလေယာဉ်ရဲ့ ပျံသန်းမှုကို ကြီးကြပ် ညွှန်ကြားမဲ့သူ မဟုတ်ဘူးပေါ့.. ကျုပ်က သူ့ကိုစောင့်နေတာဗျ..”
-----------------------------------------------------------------------------------------------------------------------------------
အင်တာဗျူး
မိန်းခလေးတစ်ယောက်က ကုမ္ပဏီတစ်ခုမှာ အလုပ်သွားလျှောက်ပါတယ်.. ကုမ္ပဏီပိုင်ရှင်က သူမကို အင်တာဗျူးလုပ်ပြီး မေးခွန်းတွေ မေးလိုက်ပါတယ်..
သူဌေး။ ။ မင်းမှာ ရည်းစားရှိသလား
မိန်းခလေး။ ။ ဟုတ်ကဲ့.. ရှိပါတယ်..
သူဌေး။ ။ သူက ဒီနိုင်ငံတွင်းမှာဘဲ အလုပ်လုပ်သလား
မိန်းခလေး။ ။ မဟုတ်ပါဘူးရှင်.. ကျွန်မရည်းစားက နိုင်ငံခြားမှာ အလုပ်လုပ်တာပါ..
သူဌေး။ ။ ကောင်းပြီ. ဒါဆိုရင် ကုမ္ပဏီက မင်းကို အလုပ်မခန့်နိုင်ပါဘူး
မိန်းခလေး။ ။ ဘာဖြစ်လို့လဲရှင်
သူဌေး။ ။ မင်းကြောင့် နိုင်ငံခြားဖုန်းခေါ်ဆိုမှုအတွက် ငွေကုန်ကြေးကျ များမဲ့ အခြေအနေကို ကုမ္ပဏီက ခွင့်မပြုနိုင်ပါဘူး..
(မိန်းခလေးများ အလုပ်အင်တာဗျူး ဖြေတဲ့ခါ နိုင်ငံခြားမှာ ရည်းစားရှိနေရင် ယောင်လို့တောင် မပြောမိစေနဲ့နော်) :) :)
------------------------------------------------------------------------------------------------------------------------------
အကြွေးများ
အက်ဘီ နဲ့ အက်စသာ တို့ဟာ နှစ်၄၀ပြည့် မင်္ဂလာနှစ်ပတ်လည် ဟန်းနီးမွန်း ၂ပတ် ခရီးအတွက် သြစတြေးလျှကို လေယာဉ်နဲ့ ထွက်ခွာလာပါတယ်.. ပျံသန်းလာပြီး လေယာဉ် ခရီးတစ်ဝက်မှာ လေယာဉ်မှူးထံမှ ကြေငြာချက်တစ်ခု ထွက်ပေါ်လာပါတယ်.. “အမျိုးကောင်းသမီးများနဲ့ အမျိုးကောင်းသားများ ခင်ဗျာ. ကျွန်တော့မှာ သတင်းဆိုးတစ်ခု ကြော်ငြာဖို့ရှိပါတယ်.. ကျွန်တော်တို့လေယာဉ်ဟာ အင်ဂျင်စက် ချို့ယွင်းသွားတဲ့အတွက် အရေးပေါ် ဆင်းသက်ရပါလိမ့်မယ်.. ကံကောင်းစွာဘဲ ကျွန်တော်တို့ အောက်တည့်တည့်မှာ ကျွန်းကလေးတစ်ကျွန်းကို တွေ့ရပါတယ်.ဒါကြောင့် အဲဒီကျွန်းကို အရေးပေါ် ဆင်းသက်ပါမယ်.. ကျွန်တော်တို့ရဲ့ ဆက်သွယ်ရေးစံနစ်လဲ ပျက်စီးသွားပြီ ဖြစ်တဲ့အတွက် ဒီကျွန်းပေါ်ကို ဘယ်လိုကယ်ဆယ်ရေးမှ ရောက်လာနိုင်စရာမရှိပါဘူး.. ဒါကြောင့် ကျွန်တော်တို့ဟာ ဒီကျွန်းပေါ်မှာဘဲ တစ်သက်လုံး နေထိုင်သွားရဖို့ ရှိပါတယ်…”
လေယာဉ်မှူးရဲ့ ကျွမ်းကျင်မှုကြောင့် လေယာဉ်ဟာ ချောချောမွေ့မွေ့ဘဲ ကျွန်းပေါ်ကို ဆင်းသက်နိုင်ခဲ့ပါတယ်.. ကျွန်းပေါ်ရောက်တဲ့အခါ အက်ဘီဟာ သူ့မိန်းမ အက်စ်သာကို မေးလိုက်ပါတယ်..
“အက်စ်သာ ငါတို့ပေးစရာရှိတဲ့ ရှေ့နေခ ဒေါ်လာ၅၀၀၀ ပေးပြီးခဲ့ပြီလား.. ”
“ဟင့်အင်း မပေးရသေးဘူး”
“ဘဏ်မှာ ပေးဖို့ရှိတဲ့ ဘဏ်ကြွေး ဒေါ်လာ ၂၅၀၀၀ ရော ပေးဖို့ သတိရခဲ့ရလား”
“အိုး.. ကျွန်မ မေ့သွားခဲ့တယ်.. မပေးခဲ့ရဘူး. ”
“ငါတို့အကြွေးနဲ့ ၀ယ်ထားတဲ့ အိမ်နဲ့ ကားအတွက်လဲ ဒီလ ငွေ ပေးသွင်းခဲ့ပြီလား”
“အိုး ကျွန်မတောင်းပန်ပါတယ်.. အဲဒါလည်း မပေးခဲ့ရသေးဘူး”
အက်စ်သာရဲ့ စကားအဆုံးမှာ အက်ဘီဟာ အက်စ်သာကို ပွေ့ဖက်လိုက်ပြီး ၀မ်းသာအားရ အနမ်းခြွေလိုက်ပါတယ်..
အက်စ်သာက အထိတ်တလန့် မေးလိုက်ပါတယ်.. “ဘယ်လိုဖြစ်တာလဲ ရှင် ရူးနေပြီလား”
“ငါတို့ ပူစရာမလိုတော့ဘူး အကြွေးရှင်တွေ ငါတို့ကို လိုက်ရှာကြလိမ့်မယ် ” တဲ့…
(ဒီတော့ အကြွေးများများ တင်ထားတာ ပိုကောင်းတယ်နော်) :) :)
------------------------------------------------------------------------------------------------------------------------------------
အပြစ်
ကောင်လေးနဲ့ သူ့အဖေဖြစ်သူတို့ဟာ အိမ်ရှေ့ကွပ်လပ်မှာ ဘောလုံးကစားနေကြပါတယ်.. ပျားတစ်ကောင် ပျံနေတာကို မြင်လိုက်တဲ့ကောင်လေးဟာ ပျားကို ကျောက်ခဲတွေ တုတ်တွေနဲ့ ကောက်ပေါက်ပြီး လိုက်လံ မောင်းထုတ်ပါတယ်..
သူ့အဖေက “ သား ဒီလိုမလုပ်နဲ့လေ .. ဒါက ပျားရည် ထုတ်ပေးတဲ့ပျားလေ.... ဒီပျားက သားကို ဘာမှ လုပ်တာမဟုတ်ဘူး... နောက်ကို ဒီလိုမလုပ်ရဘူး.. အခု ပျားကို လုပ်တဲ့ အပြစ်အတွက် သား တစ်ပတ်တိတိ ပျားရည်မစားဘဲ နေရမယ်.. ”
မကြာခင်မှာဘဲ ကောင်လေးဟာ လိပ်ပြာလေးတစ်ကောင်ကို တွေ့ပြန်ရော။ ဒါနဲ့ လိပ်ပြာလေးကို ကျောက်ခဲတွေ တုတ်တွေနဲ့ ပေါက်ပြီး လိုက်လံ မောင်းထုတ်ပြန်ပါတယ်..
ကောင်လေးအဖေက “သား.... လိပ်ပြာဆိုတာ သားကို ဘာမှ လုပ်တာမဟုတ်ဘူး.. ဘာလို့ဒီလို လုပ်ရတာလဲ… ဒီအပြစ်အတွက် သား တစ်ပတ်တိတိ ထောပတ်မစားရဘူး ”
နောက်နေ့မနက်မှာတော့ ထောပတ်လဲမစား ပျားရည်ကိုလဲ မတို့မထိဘဲ ပေါင်မုန့် အလွတ်ကိုသာ ကောင်လေးက စားနေပါတယ်.. အဲဒီချိန်မှာ ဘီဒို တစ်ခုအောက်က ပိုးဟပ်တစ်ကောင် ထွက်လာတာနဲ့ ကောင်လေးရဲ့ မိခင်ဖြစ်သူက တုတ်နဲ့ ခြောက်ပြီး မောင်းထုတ်ပါတယ်.. အဲဒီတော့ ကောင်လေးက သူ့အဖေကိုပြောလိုက်ပါတယ်..
“အဖေ ဒီကိစ္စ အပြစ်ရှိကြောင်း အမေ့ကို အဖေပြောမလား.. သားဘဲ ပြောလိုက်ရမလား ” တဲ့
---------------------------------------------------------------------------------------------------------------------------------------
ဥာဏ်ကြီးရှင်
အမျိုးသမီးတစ်ယောက်ဟာ လမ်းပေါ်မှာ လျှောက်လာရင်း စုတ်စုတ် ပြတ်ပြတ် ညစ်ညစ်ပတ်ပတ်နဲ့ နံစော်နေတဲ့ အိမ်ခြေမဲ့ သူတောင်းစား အဖွားကြီးတစ်ယောက်က သူမထံမှာ ညစာအတွက် ပိုက်ဆံ အနည်းငယ် စွန့်ကြဲပါလို့ တောင်းပါတယ်..
အမျိုးသမီးက သူမရဲ့ပိုက်ဆံအိတ်ကို ဖွင့်လိုက်ပြီး ၁၀တန် ဒေါ်လာတစ်ရွက်ကို ထုတ်လိုက်ပါတယ်.. ပြီးတော့ “ရှင့်ကိုကျွန်မက ဒီပိုက်ဆံပေးမယ်ဆိုရင် ရှင်က ညစာ ၀ယ် မစားဘဲ ရှော့ပင်းစင်တာတွေမှာ ဈေးဝယ်ထွက်မှာလား ” လို့မေးပါတယ်..
“အိုး မဟုတ်တာ ကျွန်မ ဒီကိစ္စတွေအတွက် ငွေလဲ မဖြုန်းနိုင်ပါဘူး… ရသမျှငွေဟာ ကျွန်မဘ၀ နေထိုင် စားသောက်ရေးအတွက်ပါ ” လို့ အဖွားကြီးက ပြန်ဖြေပါတယ်..
“ဒါဆိုရင် ဒီငွေနဲ့ မိတ်ဆွေ သူငယ်ချင်းအိမ်တွေ လျှောက်သွားမှာလား ” လို့ မေးပြန်ပါတယ်..
“မဖြစ်နိုင်တာ ကျွန်မမှာ လည်စရာအိမ်လဲမရှိဘူး.. မိတ်ဆွေ သူငယ်ချင်းလဲ မရှိပါဘူး” လို့ အဖွားကြီးက ပြန်ပြောတယ်..
“ဒါဆိုရင် အလှပြင်ဆိုင်တွေမှာ ရှင့်ဆံပင်တွေ မျက်နှာတွေကို သွားပြင်မှာလား ” လို့ ထိုမိန်းမက မေးပြန်ပါတယ်..
“ ရှင်ရူးနေလား.. ဒီကိစ္စက ကျွန်မနဲ့ ဘာမှမဆိုင်တာ .. ကျွန်မဘ၀မှာ မှန်မကြည့်တာ၊ မပြင်ဆင် မဖြီးလိမ်း ဖြစ်တာတောင် အနှစ် ၂၀ကျော်ခဲ့ပြီ. ” လို့ အဖွားကြီးက စိတ်မရှည်စွာ ပြန်ပြောပါတယ်..
အမျိုးသမီးက “ အိုကေ .. ကောင်းပြီ.. ရှင့်ကို ကျွန်မက ပိုက်ဆံပေးမဲ့အစား ကျွန်မယောက်ျားရယ် ကျွန်မရယ် အတူတူစားမဲ့ ညစာစားပွဲကို ရှင့်ကိုခေါ်သွားမယ်.. ” လို့ပြောလိုက်ပါတယ်..
သူတောင်းစားအဖွားကြီးဟာ အလွန်ကို တုန်လှုပ်သွားပါတယ်.. “ရှင်ရဲ့ယောက်ျားက ကျွန်မလို ညစ်ပတ်ပြီး စုတ်ပြတ် နံစော်နေတဲ့သူနဲ့ ညစာအတူစားရမယ်ဆိုတာ သိရင် ဒေါသ မဖြစ်ဘူးလား” လို့ ပြန်မေးလိုက်ပါတယ်..
“အိုး ဈေးဝယ်မထွက်၊ အလှပြင်ဆိုင်မသွား၊ သူငယ်ချင်းအိမ်တွေ မလည်တဲ့ မိန်းမ တစ်ယောက်ဟာ ဘယ်လိုပုံစံဆိုတာ ဒါမှ သူသိမှာ.. ” တဲ့
( ကဲကဲ.. အိမ်ထောင်ရှိသူ ဦးလေးကြီးများ.. ကိုယ့်မိန်းမ ရှော့ပင်းထွက်တာ၊ အလှပြင်ဆိုင်တွေသွားတာ၊ လည်ပတ်တာတွေ ခွင့်လွှတ်လိုက်ကြနော်) :) :) :)
ပျော်ရွှင်ရယ်မောရင်း သောကများ ပြေပျောက်ကြပါစေရှင်....
ချော(အစိမ်းရောင်လွင်ပြင်)
ပေါ့ပေါ့ပါးပါး ပြုံးစရာ (၄)
Friday, March 5, 2010
နာရီသူခိုး
တစ်ခါက တရားသူကြီးတစ်ယောက်ဟာ ဧည့်ခံပွဲတစ်ခုကို သူ့အိမ်မှာ အကြီးအကျယ် ပြုလုပ် ကျင်းပနေပါတယ်.. ရပ်ဝေးက လာတဲ့ဧည့်သည်တွေကတော့ သူ့အိမ်မှာ ညအိပ် တည်းခိုကြပါတယ်.. ဧည့်ခံပွဲပြုလုပ်နေစဉ်မှာ သူရဲ့ ညအိပ် ဧည့်သည် တစ်ယောက်က သူရဲ့ အဖိုးတန်နာရီအခိုးခံရကြောင်းနဲ့ ခိုးသူကို သူသိပါကြောင်း အိမ်ရှင် တရားသူကြီးက ထိုကိစ္စကို မျှတမှန်ကန်စွာနဲ့ သူ့နာရီ ပြန်လည် ရရှိအောင် ကူညီ ဖြေရှင်းပေးစေလိုကြောင်း လာရောက် တိုင်ကြားပါတယ်...
တရားသူကြီးကလည်း နာရီ ခိုးသူက ဘယ်သူလဲလို့ ပြန်မေးပြီး ခိုးသူကိုလဲသိရော “ ဟာ.. ဒီလူတော့ ဒါမျိုးမလုပ်သင့်ဘူး... ကိစ္စမရှိဘူး... ခင်ဗျားနာရီ ပြန်ရအောင် ကျုပ် ဖြေရှင်းပေးမယ်. ” လို့ ပြန်ပြောလိုက်ပါတယ်..
ဧည့်ခံပွဲ မပြီးခင်မှာဘဲ တရားသူကြီးက နာရီပိုင်ရှင်ကို ခေါ်ပြီး နာရီကို ပိုင်ရှင်လက်ထဲ ပြန်ထည့်ပေးလိုက်ပါတယ်.... နာရီပိုင်ရှင်က ၀မ်းမြောက်စွာနဲ့ ကျေးဇူးစကားဆိုရင်း တရားသူကြီးကို ပြန်မေးပါတယ်.. “ တရားသူကြီးက ဘယ်လိုများ ဖြေရှင်းလိုက်တာလဲ ခင်ဗျာ ... ခိုးတဲ့သူကရော ဘာများ ပြောသေးသလဲ ခင်ဗျာ”
တရားသူကြီးက ပြန်ပြောလိုက်ပါတယ်... “ရှူး တိတ်တိတ်နေ... ဒီနာရီ သူ့ဆီက ကျုပ် အသာလေး ပြန်ယူခဲ့တာ သူတောင် မသိဘူးဗျ....”
--------------------------------------------------------------------------------------------------------------------------------------
တက္ကစီမောင်းသူ
တစ်ခါက မြို့တစ်မြို့မှာ တက္ကစီဒရိုင်ဘာ တစ်ယောက်ရှိပါတယ်.. ဒီနေ့ဟာ အဲဒီ ဒရိုင်ဘာနဲ့ တက္ကစီမောင်းခြင်း ပထမဦးဆုံးနေ့လဲဖြစ်ပါတယ်.. ကားထွက်လို့ မကြာခင်မှာ ခရီးသည် တစ်ဦးက ကားကိုတားပါတယ်.. ခရီးသည်ပြောတဲ့ နေရာကို လိုက်ပို့ဖို့ ကားကိုမောင်းထွက် လာပါတယ်.. ခရီးသည်က နောက်ခန်းကနေ ထိုင်ပြီး လိုက်လာတာပေါ့နော်.. ကားမောင်း လာပြီး ၁၀မိနစ်လောက်မှာ ခရီးသည်ဟာ တစ်စုံတစ်ခုမေးချင်တာနဲ့ ကားဒရိုင်ဘာရဲ့ ပုခုံးကို လှမ်းပုတ်လိုက်ပါတယ်….
ပုခုံးပုတ်ခံလိုက်ရတဲ့ တက္ကစီဒရိုင်ဘာဟာ လန့်ဖြတ်ပြီး သတိလက်လွတ်ဖြစ်ကာ ဘစ်ကားတစ်စီးနဲ့ တိုက်မိလုနီးပါးဖြစ်ပြီးမှ ဘရိတ်ဆောင့်အုပ်လိုက်မိပါတယ်… ကားမောင်းသူဟာ ကားကို ချက်ခြင်း ပြန်မမောင်းနိုင်ဘဲ သူ့ကိုယ်သူတည်ငြိမ်အောင် ကြိုးစားနေရတာကို ခရီးသည်က တွေ့မိပါတယ်.. တက္ကစီသမားဟာ ခရီးသည်ကို အပြစ်တင်ပါတယ်.. “ခင်ဗျား နောက်ကို ဒါမျိုးဘယ်တော့မှ မလုပ်နဲ့ .. အခုကြည့်စမ်း ကားတိုက်မှုကြီး ဖြစ်ခါနီးသွားတယ်.. နောက်တစ်နေ့ နေထွက်တာကို မမြင်ရအောင်တော့ မလုပ်ပါနဲ့ဗျ…”
ခရီးသည်ဟာလည်း သူ့အမှားအတွက်တောင်းပန်ပါတယ်.. ပြီးတော့ တက္ကစီသမားကို နားမလည်ခြင်းများစွာနဲ့ မေးပါတယ်… “ ကျုပ် ခင်ဗျားပုခုံးကိုပုတ်တာ ဖြေးဖြေးလေးပါဗျာ.. ဒီလောက် ထိရုံလေးနဲ့ ခင်ဗျားဒီလောက်တောင် ထိတ်လန့်သွားတာ ကျွန်တော်ဖြင့် နားကို မလည်နိုင်အောင် ဖြစ်နေမိတယ်ဗျ…” ခရီးသည်ရဲ့ စကားကို တက္ကစီသမားက တုံ့ပြန် ပါတယ်.. “ ခင်ဗျားအမှားကြောင့်လဲ မဟုတ်ပါဘူးလေ… ကျွန်တော်က ဒီကားကို ဒီနေ့မှ စမောင်းတာဗျ… ကျွန်တော် ၂၅ နှစ်လုံးလုံး အသုဘယာဉ်မောင်းလာခဲ့တာမို့ပါ ”လို့ပြန်ပြောလိုက်ပါတယ်။
-------------------------------------------------------------------------------------------------------------------------------------------
နှုတ်ခမ်းနီရာလေးများ
တစ်ချို့မိန်းခလေးတွေမှာ အကျင့်တစ်ခုရှိတတ်ကြတယ်.. အဲဒါကဘာလဲဆိုတော့ နှုတ်ခမ်းနီ ဆိုးပြီးရင် မှန်လေးပေါ်မှာဘဲဖြစ်ဖြစ်၊ စက္ကူတို့၊ လက်ကိုင်ပုဝါ၊ တစ်ရှူး ၊ သန့်စင်ခန်းတွေထဲက မှန် စသည်တို့မှာ ကိုယ်ဆိုးထားတဲ့ နှုတ်ခမ်းနီလေးရဲ့ အရာကို ထင်နေအောင် လုပ်တတ်တဲ့အကျင့် ရှိကြတယ်.. မိန်းခလေး အားလုံးတော့ မဆိုလိုပါဘူးနော်.. တစ်ချို့တစ်ချို့တွေပါ…. အဲဒီအကျင့်လေးတွေ ပျောက်သွားအောင် ကျောင်းတစ်ကျောင်းမှာ ကျောင်းအုပ်ဆရာမကြီးက ဘယ်လို ဖြေရှင်းလိုက်တယ် ဆိုတာလေးကို အင်တာနက်မှာ ဖတ်လိုက်ရတာလေးကို ပြန်ပြောပြပါဦးမယ်…
တစ်ခါတုန်းကလေ မိန်းခလေးကျောင်းတစ်ကျောင်းမှာ သန့်ရှင်းရေး အလုပ်လုပ်တဲ့ ဦးရွှေမောင် ဆိုတဲ့လူတစ်ယောက် ရှိတယ်ပေါ့နော်… အဲဒီကျောင်းမှာ ရှိတဲ့ တစ်ချို့ ကျောင်းသူလေးတွေမှာ အကျင့်တစ်ခုရှိပါတယ်.. အဲဒါကတော့ ကျောင်းသန့်စင် ခန်းထဲကို ၀င်တိုင်း ကြည့်မှန်တွေပေါ်မှာ နှုတ်ခမ်းနီရာတွေကို ချန်ပစ်ခဲ့တဲ့ အကျင့်ပါဘဲ… ဦးရွှေမောင်ကြီးက ညနေရောက်တိုင်း ကျောင်းသန့်ရှင်းရေးလုပ်တဲ့အခါ မှန်ပေါ်မှာ ထင်ကျန်နေတဲ့ နှုတ်ခမ်းနီရာလေးတွေကို အ၀တ်တစ်ခုနဲ့ နေ့စဉ် ပွတ်သုတ် သန့်စင်ပစ်ရပါတယ်.. ဘယ်လိုဘဲ သန့်စင်ပြီးပေမဲ့ ကျောင်းသူတွေက ထပ်လုပ်တော့ နောက်တစ်နေ့မှာ နှုတ်ခမ်းနီရာတွေက ပြန်ရှိနေပြန်ပါရော… အခုလိုမလုပ်ဖို့ ဘယ်လိုဘဲ သူက မေတ္တာရပ်ခံပေမဲ့ နောက်တစ်နေ့ ရောက်တိုင်း နှုတ်ခမ်းနီရာလေးတွေက ရှိနေမြဲ ပါဘဲတဲ့…
ဦးရွှေမောင်က ကျောင်းအုပ်ဆရာမကြီးထံ အဲဒီပြဿနာကို တင်ပြလိုက်တော့ ကျောင်းဆရာမကြီးက အတန်းတိုင်းက ကျောင်းသူကိုယ်စားလှယ်တွေကို ခေါ်လိုက်ပြီးတော့ သန့်စင်ခန်းထဲကို ခေါ်ဆောင်လာပါ တယ်.. ပြီးတော့ ဆရာမကြီးက ကျောင်းသူတွေကို စကားအနည်းငယ် ပြောပါတယ်.. “အခုလို လာရောက်ကြတဲ့အတွက် ကျောင်းသူတွေ အားလုံးကို ကျေးဇူးတင်ပါတယ်.. အခုရောက်လာတဲ့ ကျောင်းသူတွေအားလုံးလဲ ဒီမှန်ပေါ်က နှုတ်ခမ်းနီရာတွေကို တွေ့ကြမယ်ထင်ပါတယ်..” ဆရာမကြီးစကားကို ကြားတဲ့ ကျောင်းသူလေးတွေဟာ တစ်ယောက်မျက်နှာ တစ်ယောက်ကြည့်ပြီး မျက်စလေးပစ်ကြရင်း ကြိတ်ပြုံး လိုက်ကြတယ်ပေါ့… ဆရာမကြီးက စကားဆက်ပြောပါတယ်…
“ဒီနေ့ခေတ်ရဲ့ နည်းပညာတွေနဲ့ ထုတ်လုပ်ထားတဲ့နှုတ်ခမ်းနီတွေဟာ အရောင်စွဲစွဲမြဲမြဲ ကြာရှည်ခံအောင် ပြုလုပ်ထားတာဖြစ်တဲ့အတွက် မှန်ပေါ်မှာ ထင်နေတဲ့ တစ်ချို့ နှုတ်ခမ်းနီတွေဟာ အလွန်ဘဲ ဖျက်ရခက်ပါတယ်… ဒါကြောင့် ဆရာမကြီးတို့ကလဲ ဖျက်ရခက်တဲ့ နှုတ်ခမ်းနီရာတွေကို ဖျက်ရလွယ်ကူဖို့အတွက် နည်းလမ်းတွေကို စဉ်းစားရ တာပေါ့နော်.. အခု ဆရာမကြီးတို့ တွေ့ရှိထားတဲ့ နည်းလမ်းတစ်ခုကို လက်တွေ့ပြပါမယ်.. ဒီလက်တွေ့ပြတာကို တွေ့သွားတဲ့ ကျောင်းသူတွေအားလုံး ဒီနည်းလမ်းကို ကျန်တဲ့ ကျောင်းသူတွေကို ပြန်ပြောပြကြမယ်လို့ မျှော်လင့်ပါတယ်.. နောင်ကိုလဲ ဒီမှန်တွေပေါ်မှာ နှုတ်ခမ်းနီရာကို ချန်ခဲ့မဲ့ အစား တစ်ရှူးလေးတွေကို သုံးကြမယ်လို့ ဆရာမကြီး ယုံကြည်ပါတယ်..”
ဆရာမကြီးစကားအဆုံးမှာ ဦးရွှေမောင်ကြီးက မှန်ကို တိုက်ချွတ်ဖို့အတွက် ရေမြုပ်ကို အိမ်သာ တစ်ခု ထဲက သွားယူလိုက်ပါတယ်.. ပြီးတော့ အိမ်သာကြွေခွက်ထဲကို ရေမြုပ်ကို နှစ်ထည့်လိုက်ပြီးနောက် မှန်ပေါ်မှာ ထင်နေတဲ့ နှုတ်ခမ်းနီရာလေးများကို ဖျက်ပါတော့ တယ်… လက်တွေ့ပြပွဲပြီးလို့ ကျောင်းသူလေးများ သန့်စင်ခန်းထဲမှ အသီးသီး ထွက်ခွာသွားတဲ့အခါမှာတော့ သန့်ရှင်းရေးလုပ်တဲ့ ဦးရွှေမောင်ကြီးက ပြုံးလိုက်ပါတယ်.. သူသိပါတယ်... နောက်နေ့တွေမှာ ဒီမှန်ပေါ်မှာ နှုတ်ခမ်းနီရာလေးတွေ တွေ့ရတော့မှာ မဟုတ်ပါဘူး….
------------------------------------------------------------------------------------------------------------------------------------------
အလုပ်မှာ စိတ်ညစ်စရာတွေများနေလို့ပါ.. ရယ်စရာလေးတွေ များများရေးပါဦးဆိုတဲ့ စာဖတ်သူ ညီမလေး တစ်ယောက်ရဲ့ စကားကြောင့် ပေါ့ပေါ့ပါးပါး ပြုံးချင်စရာလေးကို ဘာသာပြန်ပြီး မျှဝေလိုက်တာဖြစ်ပါတယ်...
ပြုံးနိုင်ကြပါစေရှင်....
ချော(အစိမ်းရောင်လွင်ပြင်)
Source - the-joke.com
ကော်ဖီဆိုင်လေး ပြန်ဖွင့်ပြီ.....
Tuesday, March 2, 2010
ခုတစ်လော ကျွန်မတို့ သုံးနေတဲ့ Mylovecafe Server က အခက်အခဲ တစ်ခုနဲ့ အဆင်မပြေ ဖြစ်နေတော့ ဘလောဂ့်က ၀င်မရ တဲ့ ဒုက္ခကို ခနခန ကြုံနေရတယ်.. အဲလိုဖြစ်တော့ စာရေးရတာလဲ စိတ်က မလန်းဆန်းဘူး ဖြစ်နေတာပေါ့နော်.. ခုတော့ ကော်ဖီဆိုင်လေး ပြန်ကောင်းပြီလို့ မျှော်လင့်ပါတယ်.. ဒီတော့ ကျွန်မရဲ့ Missgreenlady Cafe ကို လာလည်တဲ့ သူတွေကို ကော်ဖီလေးတစ်ခွက်နဲ့ အတူ ပြုံးစရာလေး တစ်ပုဒ်နဲ့ ဧည့်ခံပါမယ်နော်.. ခုလောလောဆည်တော့ ကျွန်မကို ပေါ့ပေါ့ပါးပါးလေးတွေဘဲ ရေးခွင့် ပြုစေချင် ပါတယ်.. လေးလေးနက်နက် ရှိတာတွေ ကိုတော့ ဘလောဂ့်ကြီး ကောင်းကောင်း အဆင်ပြေသွားရင် အကောင်းဆုံး ပြန်ရေးနိုင်အောင် ကြိုးစား ပါ့မယ်.. ကိုယ့်ဘလောဂ့်ထဲကို ကိုယ်တိုင်လဲဝင်မရတော့ စိတ်ညစ်ညစ်နဲ့ စာရေးဖို့ စာလုံးတွေလဲ မထွက်နိုင်ဘူး ဖြစ်နေလို့ပါ .. ခွင့်လွှတ်ကြပါလို့ တောင်းပန်ပါတယ်နော်…
ဒီနေ့ ရေးချင်တဲ့အကြောင်းအရာလေးက စာဖတ်သူတွေကို ဘာဗဟုသုတ၊ ဘာရသမှတော့ ပေးနိုင်မှာ မဟုတ်ပါဘူး.. ဒါပေမဲ့ ဖတ်ပြီး ရယ်မောရမဲ့၊ ပြုံးမိစေနိုင်မဲ့ ငယ်စဉ်ဘ၀ အမှတ်တရ အဖြစ်ကလေးကို ရေးမှာပါ… ငယ်စဉ်ဘ၀ အကြောင်းအရာဆိုတာ မေ့သွားတဲ့ အဖြစ်လေးတွေရှိသလို တစ်ခါတစ်ရံ တိုက်ဆိုင်မှုရှိလာတဲ့အခါ ပြန်သတိရတတ်တာလေး တွေလဲ ရှိတတ်တယ်မဟုတ်လား.. ခုလဲ တိုက်ဆိုင်မှုလေး တစ်ခုကြောင့် ပြန်သတိရလာတယ် ဆိုရမယ်.. အဲဒီချိန်တုန်းက ဖြစ်ခဲ့ပုံက ဒီလိုပါ…
ကျွန်မ ငယ်စဉ်က ကချင်ပြည်နယ် မိုးကောင်းမြို့မှာ ကျောင်းတက်ပါတယ်.. ဇာတိကတော့ မိုးကောင်းမြို့ မဟုတ်ပါဘူး.. မိုးကောင်းနဲ့ မိုင် ၇၀ လောက်ဝေးတဲ့ တစ်နေရာကပါ.. မိုးကောင်းမြို့ကလေးဟာ ချစ်စရာကောင်းတဲ့ မြို့ကလေးပါ.. မိုးကောင်းသူတွေကလဲ ချောကြပါတယ်.. ဒီထဲမှာ ကျွန်မတော့ မပါဘူးပေါ့လေ.. ကိုယ်က မိုးကောင်းသူမှ မဟုတ်တာကိုး.. ချောတဲ့စာရင်းထဲ ဘယ်ဝင်ပါ့မလဲနော်.. ကျွန်မရဲ့ သူငယ်ချင်း လေးတွေကလဲ ချောချော မောမော လှလှပပလေးတွေပါ… ဘယ်သွားသွား ဘာလုပ်လုပ် အတူတူ သွားလာနေကျ၊ သိပ်ခင်စရာကောင်းတဲ့ သူတွေပါ.. ဘင်ခရာ သင်တန်းတို့၊ ကြက်ခြေနီတို့ စတဲ့ သင်တန်းတွေ အတူတူတက်နေကျ ကိုယ့်အိမ်သူ့အိမ် အိပ်နေကျ အဲလို ခင်မင် ရင်းနှီးလာသူတွေပါ...
တစ်နေ့တော့ အတန်းထဲမှာ ဆရာမက မြန်မာစာသင်နေတုန်း ကျောင်းဆင်းဖို့ကလဲ နာရီဝက်အလိုမှာ ကျွန်မဘေးမှာ ထိုင်တဲ့ ကျွန်မရဲ့ သူငယ်ချင်းမလေးက အိမ်သာ သိပ်တက်ချင်နေကြောင်း ပြောပါတယ်.. နာရီကြည့်လိုက်တော့လဲ ကျောင်းဆင်းဖို့က သိပ်မလိုတော့ ကျောင်းဆင်းတဲ့ထိ စောင့်လိုက်ပါဦးလို့ သူငယ်ချင်းကို ပြောပါတယ်.... သူငယ်ချင်းကလဲ မျက်နှာလေးရှုံ့မဲ့ပြီး မအောင့်နိုင်တော့ဘူးတဲ့.. ဒါနဲ့ ၂ယောက်သား ဆရာမကို ခွင့်တောင်းပြီး အိမ်သာဘက်ကို ထွက်လာခဲ့ပါတယ်.. ကျွန်မတို့ ၉တန်း ကျောင်းဆောင်နဲ့ အိမ်သာရှိတဲ့နေရာဟာ အတော်လေးကို ဝေးပါတယ်.. အဲဒီအချိန် ကာလကလည်း မိုးတွင်းဆိုတော့ မိုးရွာထားတာနဲ့ အိမ်သာသွားတဲ့ မြေနီလမ်းကလေးက ရေတွေနဲ့ ခပ်လျှောလျှောပေါ့.. သူငယ်ချင်းက အိမ်သာ အရမ်း တက်ချင်နေတဲ့သူဆိုတော့ ရှေ့ကနေ ခြေလှမ်းသုတ်သုတ်နဲ့ အပြေးတစ်ပိုင်း သွားနေ ပါတယ်..
အဲဒီခေတ်က မိုးကောင်း အထက (၁)ရဲ့ ကျောင်းအိမ်သာတွေဟာ ရေလောင်းအိမ်သာ မဟုတ်သလို အုတ်နဲ့ဆောက်ထားတဲ့ အိမ်သာတွေ မဟုတ်ပါဘူး.. မြေကျင်းကို တူးပြီး အဲဒီမြေကျင်းပေါ်မှာမှ သစ်သားနဲ့ သွပ်အမိုးမိုးထားတဲ့ အိမ်သာကို အလုံးလိုက် ချထားတာပါ.. ဒီနေရာမှာ ကျင်းပြည့်သွားပြီဆိုရင် နောက်တစ်နေရာကို ကျင်းအသစ်တူးပြီး အိပ်သာကိုရွေ့လိုက်ရုံဘဲ ဖြစ်ပါတယ်.. ကျောင်းသားများစွာ သုံးထားတော့ အချို့ အိမ်သာတွေက ပြည့်လုမတတ် ဖြစ်နေပါပြီ.. စွန့်ထားသမျှ အကုန်လုံးကိုလဲ မမြင်ချင်လဲ မြင်နေရက်သား အနံ့ကိုလဲ မရချင်လဲ ရှူရက်သား ဖြစ်နေရပါတယ်.. အိမ်သာ တက်ချင်သူ တို့ရဲ့ ထုံးစံ သူငယ်ချင်းခမြာ အိမ်သာနားနီးလေ ခြေလှမ်းတွေက ပိုစိတ်လာလေ ဖြစ်လာ ပါတယ်.. နီးလာလေ အိမ်သာပိုတက်ချင်လေ ဆိုတာ ခံစားဖူးသူများ သိပါ လိမ့်မယ်နော်… :) :) :)
အဲလိုနဲ့ အပြေးကလေး လျှောက်နေရင်း အိမ်သာရှေ့အရောက်မှာ မိုးရေနဲ့ လျှောနေတဲ့ မြေနီလမ်းကြောင့်ရော၊ အိမ်သာတက်ချင်ဇောနဲ့ လောကြီးလွန်းနေတဲ့ စိတ်ကြောင့်ရော ပေါင်းပြီး သူငယ်ချင်းမလေးဟာ ခြေချော်ပြီး အိမ်သာကျင်းထဲ လျှောခနဲ ကျသွားပါ တော့တယ်.. ကံကောင်းချင်တော့ အိမ်သာဟာ စွန့်ပစ်ပစ္စည်းတွေ အပြည့် ဖြစ်နေတဲ့အတွက် သူ့ရဲ့ ခြေထောက်ကြီး ၂ချောင်းလုံးဟာ အဲဒီ စွန့်ပစ်ပစ္စည်းပုံထဲ ၀င်စိုက်မိနေပြီး ခါးအထက် ခန္ဓာကိုယ် တစ်ဝက်ကတော့ ကျင်းအပြင်မှာ ကျန်နေခဲ့ပါတယ်.. မြင်ယောင်ကြည့်ကြပါနော်.. တကယ်လို့များ အိမ်သာကျင်းသာ အသစ်စက်စက် ဖြစ်ခဲ့မယ်ဆိုရင်တော့ လူတစ်ကိုယ်လုံး ကျင်းထဲကို ကျသွားခဲ့မှာ သေချာပါရဲ့.. အိမ်သာကြီး ပြည့်နေတာကိုဘဲ ကျေးဇူးတင်စရာပေါ့နော်...
ကျွန်မလဲ အပြေးကလေးသွားပြီး သူငယ်ချင်းကို သွားဆွဲထူရပါတယ်.. သူငယ်ချင်းဟာ ရှက်တာရော၊ ဒေါသထွက်တာရော၊ ရွံတာရော၊ အိမ်သာတက်ချင်တာတွေရော ပေါင်းပြီး မျက်နှာပြင်တစ်ခုလုံးဟာ နီရဲနေပါတယ်.. မျက်ဝန်းမှာလဲ မျက်ရည်က ခပ်စို့စို့… သူ့ခြေထောက် တစ်ခုလုံးလည်း မြင်မကောင်းအောင် ပေကျံနေပါတော့တယ်.. ဘာပြော ကောင်းမလဲနော်.. အနံ့ကတော့ ထောင်းထောင်းကို ထလို့ပေါ့.. သူငယ်ချင်းလဲ အိမ်သာထဲ ခပ်သုတ်သုတ်ဝင်လိုက်ပြီး ပြန်ထွက်လာတော့ ကျောင်းခန်းထဲ ပြန်မ၀င်တော့ဘဲ အိမ်ကို ပြန်တော့မယ်ဆိုပြီး ကျောင်းနဲ့ မနီးမဝေးက သူ့အိမ်ကို ပြန်ပြေး ပါတော့တယ်.. ဆရာမကိုတော့ နေမကောင်းလို့ ပြန်သွားကြောင်း ကျွန်မက အသိပေးလိုက်ရပါတယ်..
ကျောင်းဆင်းတော့ သူ့လွယ်အိတ်ကို ကျွန်မကဘဲ သူ့အိမ်ကို သွားပို့ပေးလိုက်ပါတယ်.. ဒီအချိန်မှာတော့ သူငယ်ချင်းက ရေမိုးချိုး သန့်စင်ပြီးနေပါပြီ.. ရေချိုးခန်းထဲမှာ ဆပ်ပြာ ဘယ်နှတုံးကုန်ပြီး အချိန် ဘယ်လောက် ကြာမယ်ဆိုတာတော့ သူငယ်ချင်းလေး အသိဆုံး ဖြစ်ပါလိမ့်မယ်.. ကျွန်မ သူ့ကို မေးမနေတော့ပါဘူး… ဒါပေမဲ့ ကျွန်မစိတ်ထဲမှာ အနံ့အသက်က ကျန်နေသေးတယ်လို့ကို ထင်မိပါတယ်.. ဒါကြောင့် သူ့ရှေ့မှာ နှာခေါင်းလေးကို ရှုံ့ပွရှုံ့ပွ လုပ်လိုက်မိတော့ သူငယ်ချင်းက ကျွန်မကို လိုက်ရိုက် ပါတော့တယ်.. ပြီးတော့ ကျွန်မကို ကတိတစ်ခုတောင်းပါတယ်.. နင်ဒီအကြောင်းတွေကို ဘယ်သူ့ကိုမှ မပြောရဘူးနော်.. ငါ့ကို ကတိပေးနော်တဲ့ … ကျွန်မလဲ ကတိပေးလိုက်ပါတယ်.. ဒီအကြောင်းကို ကျွန်မ ဘယ်သူ့ကိုမှ ဒီနေ့အထိ မပြောခဲ့ပါဘူး.. ဘယ်သူငယ်ချင်း တစ်ယောက်ကမှ ဒီအဖြစ်ကို မသိလိုက်ကြပါဘူး.. ခုချိန်ထိလဲ ဒီအကြောင်းကို ဘယ်သူ့ကိုမှ မပြောရသေးပါဘူး.. ဒါပေမဲ့ ဒီနေ့တော့ ရေးချင်စိတ် သိပ်ဖြစ်လာတာနဲ့ ဘလောဂ့် စာမျက်နှာပေါ် တင်လိုက်ပါတယ်.. သူငယ်ချင်းရေ ငါဘယ်သူ့ကိုမှ မပြောပါဘူးကွာ.. ကတိတည်ပါတယ်နော်… ခုလဲ စာလေးနဲ့ဘဲ ရေးတာပါ.. ငါ့ပါးစပ်က တစ်ခွန်းဆို တစ်ခွန်းမှ မဟခဲ့ပါဘူးနော်… :) :)
မွန်းကြပ်တဲ့ စိတ်ကြောင့် ရယ်စရာ သက်သက်အနေနဲ့ ငယ်ဘ၀နဲ့ သူငယ်ချင်း အကြောင်း အမှတ်တရ ရေးခြင်းပါ.. ရသတစ်ခုခု မပေးနိုင်မှန်း သိပါတယ်.. ဟာသလေးတစ်ပုဒ်အနေနဲ့ ဖတ်သွားပေးကြပါနော်..
စာဖတ်သူများကို လေးစားစွာဖြင့်
ချော (အစိမ်းရောင်လွင်ပြင်)
ပေါ့ပေါ့ပါးပါး ပြုံးစရာ (၃)
Monday, March 1, 2010ကျွန်မတို့ ဘလောဂ့်တွေ ဒီရက်ပိုင်း ၀င်မရတဲ့ဒုက္ခ ခနခနဖြစ်နေတော့ စာတွေလဲ မရေးနိုင် ဖြစ်နေမိပါတယ်.. စိတ်လဲ ညစ်တာပေါ့နော်.... ဒီတော့ လေးလေးနက်နက် စာလေးတွေ မရေးနိုင်ဘဲ စိတ်ပြေလက်ပျောက်ဖြစ်မဲ့ ရယ်စရာလေးတွေဘဲ တွေးချင် နေမိတယ်.. ဒါကြောင့်လဲ စာဖတ်သူများကို စိတ်ပေါ့ပါးမဲ့ ရယ်စရာ လေးတွေကိုဘဲ လောလောဆည် မျှဝေ ပေးပါရစေနော်...
၁. ကောင်လေး။ ။ ရှင် ..ကျွန်မတစ်ယောက်တည်းကို ချစ်တာသေချာလား..
ကောင်လေး။ ။ သေချာပါတယ်ကွာ.. ကိုယ်မနေ့ကဘဲ ကိုယ့်ရည်းစားစာရင်းကို သေချာ ပြန်စစ် ကြည့်ပြီးပြီ..
၂.ဆရာမ။ ။ ကိုယ်ပြောနေတာကို စိတ်ဝင်စားမှန်းမသိ၊ မ၀င်စားမှန်းမသိဘဲ
စကားတွေ ဇွတ်ပြီး ပြောနေတဲ့ သူမျိုးကို ဘယ်လိုခေါ်လဲ
ကျောင်းသား။ ။ ဆရာမလို့ခေါ်ပါတယ်..
၃. စားပွဲထိုး။ ။ ဆရာ ကော်ဖီက ဘလက်ကော်ဖီဘဲ ယူမှာလားခင်ဗျာ
စားသုံးသူ။ ။ မင်းတို့ဆိုင်မှာ ကော်ဖီက ဘာအရောင်နဲ့များ ရသေးလို့လဲ?
၎. ကောင်လေး။ ။ကိုယ် မင်းလက်ကလေးကို ကိုင်ထားပါရစေ
ကောင်မလေး။ ။နေပါစေ ကျွန်မလက်က ဒီလောက် မလေးပါဘူး..
၅.တရားဟောဆရာ။ ။ဆမ်.. ငါ့ကို အမှန်အတိုင်းပြောစမ်း မင်းဟာ ထမင်းမစားခင်မှာ ဆုတောင်းလား. မတောင်းဘူးလား?
ဆမ်။ ။ ဆုတောင်းဖို့မလိုပါဘူးခင်ဗျာ.. ကျွန်တော့အမေက ဟင်းချက် ကောင်းပါတယ်…
၆.လူနာ။ ။ ဒေါက်တာ ကျွန်တော့အခြေအနေလေးသိပါရစေ.. ကျွန်တော် ပြန်ကောင်းလာဖို့ အခွင့်အလမ်းရှိသေးရဲ့လား ခင်ဗျာ?
ဆရာဝန်။ ။ ရှိပါတယ်ဗျ ၁၀၀% တောင် ခင်ဗျားအတွက် အခွင့်အလမ်း ရှိတယ်.. ဘာလို့ လဲ ဆိုတော့ ခင်ဗျားလို ရောဂါမျိုးက ၁၀ယောက်မှာ ကိုးယောက်လောက်က သေနိုင်ပြီး တစ်ယောက်ဘဲ အသက်ရှင်နိုင်တဲ့ အခွင့်အလမ်း ရှိတာဗျ.. ဒီတော့ စိတ်မပူနဲ့ ခင်ဗျားလို ရောဂါဖြစ်တဲ့သူ ကိုးယောက်လောက်က သေသွားပြီ ခင်ဗျားက ၁၀ယောက်မြောက်ဘဲ.
၇.ဆရာမ။ ။ ကဲ တစ်ထပ်တည်းကျတဲ့ တိုက်ဆိုင်မှု တစ်ခုခုကို နမူနာ ပြောပြ စမ်းပါဦးကွယ်..
ကျောင်းသား။ ။ကျွန်တော့အဖေနဲ့ အမေဟာ တစ်ချိန်တည်း တစ်နေရာတည်းမှာ မင်္ဂလာဆောင်ခဲ့ပါတယ် ဆရာမ.
၈.ဆရာမ။ ။ ဂျောခ်ျ့ဝါရှင်တန်ဟာ ခွင့်ပြုချက်မရဘဲ သူ့အဖေ သိပ်နှစ်သက်တဲ့ ချယ်ရီပင် လေးကို ပုဆိန်နဲ့ ခုတ်လှဲပစ်လိုက်တယ်.. ဒါပေမဲ့ သူ့အဖေက သူ့ကို အပြစ် မပေးခဲ့ဘူး.. အဲဒါဘာကြောင့်လဲ ဆိုတာ ဘယ်သူသိလဲ?
ကျောင်းသား။ ။ သူ့လက်ထဲမှာ ပုဆိန် ကိုင်ထားဆဲဖြစ်လို့ပါဆရာမ
၉.ဆရာမ။ ။နေနဲ့ လ ဘယ်ဟာက ပိုပြီး တို့တွေအတွက် အရေးကြီးတယ် ထင်သလဲ
ကျောင်းသား။ ။လပါဆရာမ
ဆရာမ။ ။ဘာဖြစ်လို့လက ပိုအရေးကြီးတာလဲ?
ကျောင်းသား။ ။လက ကျွန်တော်တို့ အလင်းရောင် လိုအပ်နေတဲ့ ညမှ ပေါ်လာပြီးတော့ နေကတော့ အလင်းရောင်မလိုအပ်တဲ့ နေ့လည်မှ ပေါ်လာလို့ပါ။
၁၀. ဆရာမ။ ။ဆမ် မင်းဟာတော်တော်ကို စကားများပါလား
ဆမ်။ ။ကျွန်တော်တို့ မျိုးရိုးက စကားများတဲ့ မျိုးရိုးမို့ပါ
ဆရာမ။ ။ပြောစမ်းပါဦး မင်းတို့မျိုးရိုးက ဘာတွေမို့လဲ
ဆမ်။ ။ကျွန်တော့ အဖိုးက နိုင်ငံရေးတရားဟောတဲ့သူ၊ ကျွန်တော့် အဖေ ကတော့ ကျောင်းဆရာ
ဆရာမ။ ။မင်းအမေကရော
ဆမ်။ ။ကျွန်တော့အမေက မိန်းမ တစ်ယောက်ဖြစ်လို့ပါ.. (ဟွန့်.. ဒါတော့ လက်မခံဘူး... ကျွန်မကတော့ မိန်းမ တစ်ယောက်ဖြစ်ပေမဲ့ စကားမများပါဘူး) :) :) :)
ရယ်မော ပျော်ရွှင်နိုင်ကြပါစေရှင်....
ချော(အစိမ်းရောင်လွင်ပြင်)
စကားပြောတဲ့ ဖားကလေး
Tuesday, February 23, 2010
စကားပြောတဲ့ ဖားကလေး
အသက် ၇၂ နှစ်အရွယ် အဖိုးအို တစ်ဦးဟာ သူရဲ့ လှေပေါ်မှာ ထိုင်ပြီး ငါးမျှားနေပါတယ်.. အဲဒီချိန်လေးမှာ အသံလေးတစ်သံကို သူက ကြားလိုက်ရတယ်.. “ကယ်ပါဦး ကယ်ပါဦး ” ဆိုတဲ့ အသံလေး သေးသေးလေး….
အဖိုးအိုဟာ သူ့ ဘေးပတ်ဝန်းကျင်ကို လိုက်ရှာပေမဲ့ ဘယ်သူတစ်ဦးတစ်ယောက်ကိုမှ မတွေ့တော့ အိပ်မက် မက်နေတယ်လို့တောင် သူက ထင်လိုက်ပါတယ်.. ဒါပေမဲ့ “ကယ်ပါဦး ” ဆိုတဲ့ အသံကိုဘဲ သူက ထပ်ထပ် ကြားလိုက်ရပြန်တယ်.. ဒါနဲ့ သေသေချာချာ လိုက်ရှာကြည့်တော့မှ ရေထဲက ကြာရွက် တစ်ရွက်ပေါ်မှာ ဖားကလေးတစ်ကောင်ကို တွေ့လိုက်ပါတယ်…
“မင်းက ငါ့ကို စကားပြောနေတာလား ” လို့ အဖိုးအိုက ဖားကလေးကို မေးလိုက်ပါတယ်..
“ဟုတ်ပါတယ်.. ရှင့်ကိုပြောနေတာပါ.. ကျွန်မကို ကယ်ပါ.. ဒီကြာရွက်ပေါ်ကနေ ဆယ်ယူပြီး ရှင်က ကျွန်မကို အနမ်းလေးတစ်ပွင့် ပေးလိုက်ပါ… ဒါဆိုရင် ကျွန်မဟာ ရှင်မြင်ဖူးသမျှ မိန်းမပျိုတွေထဲမှာမှ အလှဆုံး မိန်းခလေးအဖြစ် ပြောင်းလဲသွားပါလိမ့်မယ်.. ပြီးရင် ကျွန်မဟာ ရှင့်ရဲ့ သတို့သမီးလေး ဖြစ်လာမှာပါ…. ဒါဆိုရင် ရှင့်သူငယ်ချင်းတွေ မိတ်ဆွေတွေက ရှင့်ကို မနာလိုရလောက်အောင် ဖြစ်ကြပါလိမ့်မယ်..”
အဖိုးအိုဟာ ဖားကလေးရဲ့ စကားကို ကြားတာနဲ့ ချက်ခြင်းဘဲ ဖားကလေးကို ကောက်ပြီး သူရဲ့ အင်္ကျီ အိတ်ထောင်ထဲကို ထည့်လိုက်ပါတော့တယ်…
ဖားကလေးက “ ရှင်ရူးနေသလား.. ကျွန်မပြောတာကို ရှင်မကြားဘူးလား.. ကျွန်မကို နမ်းလိုက်ရင် ရှင့်ရဲ့ အလှပဆုံး သတို့သမီးလေး ဖြစ်လာမှာပါလို့ ပြောနေတယ်လေ……….”
အဖိုးကြီးက အိတ်ထောင်လေးကို အသာဟပြီး ဖားကလေးကို ငုံ့ကြည့်ကာပြောလိုက်ပါတယ်.
“ နေပါစေ… ငါ့အသက်အရွယ်က မိန်းမတစ်ယောက် ရှိတာထက် စကားပြောတတ်တဲ့ ဖားတစ်ကောင် ရှိတာက ပိုပြီးကောင်းလိမ့်မယ်တဲ့…………………” :)
-------------------------------------------------------------------------------------------------------
ဒီရက်ပိုင်း ဘလောဂ့်က ၀င်မရဘဲ ဖြစ်သွားတဲ့အတွက် စိတ်တွေ နည်းနည်း တင်းကြပ် နေပါတယ်.. ဒါကြောင့် ပေါ့ပေါ့ပါးပါး ပြုံးစရာလေး ရှာကြံရေးလိုက်ပါတယ်.. ကျွန်မရဲ့ ခင်မင်လှစွာသော စာရေးဖော် ဘလောဂ်ဂါ ယောက်ျားလေး သူငယ်ချင်းများ.. စာလာဖတ်တဲ့ ယောက်ျားလေးများ အဖိုးအိုနေရာမှာသာ ဆိုခဲ့ရင် ဖားကလေးကို နမ်းမှာလား… သိချင်စမ်းလှပါတယ်.. :) :) :) မိန်းခလေးတွေကတော့ ပွဲကြည့်ပရိသတ် လုပ်ကြစို့ရဲ့... :)
ချော (အစိမ်းရောင်လွင်ပြင်)
source from Funzug.com မှ The Talking Frog ကို ဘာသာပြန်ပါသည်။
ပေါ့ပေါ့ပါးပါး ပြုံးစရာ (၂)
Wednesday, February 10, 2010
ဦးထုပ်ရောင်းသူ
picture from google search
တစ်ခါတုန်းက တစ်မြို့မှတစ်မြို့သို့ ကူးသန်းသွားလာကာ ဦးထုပ်များကို ရောင်းချသူတစ်ဦး ရှိပါတယ်.. တစ်နေ့သောအခါ ဦးထုပ်သည်ကြီးဟာ မြို့တစ်မြို့မှ အခြားမြို့သို့အသွား တောအုပ်ကြီး တစ်ခုကို ဖြတ်သန်းသွားရပါတယ်.. သူဟာ မေပန်း နွမ်းနယ်လွန်းတဲ့အတွက် ကြီးမားတဲ့ သစ်ပင်ကြီးတစ်ပင်ရဲ့ အရိပ်အောက်မှာ ခေတ္တအနားယူဖို့ ဆုံးဖြတ်လိုက်ပါတယ်..သူ့ဦးထုပ်တွေ ထည့်ထားတဲ့ ခြင်းတောင်းကြီးကို ဘေးမှာအသာချပြီး သစ်ပင်ခြေရင်းမှာ မောပန်းစွာ အိပ်ပျော်သွားခဲ့ပါတယ်..
သူပြန်နိုးလာတဲ့အချိန်မှာ သူ့ဦးထုပ်တွေအားလုံး ပျောက်ဆုံးနေတာကို တွေ့ရပါတယ်... ဦးထုပ်သည်ဟာ အံ့သြလွန်းစွာနဲ့ ပျောက်ဆုံးသွားတဲ့ ဦးထုပ်တွေကို လိုက်ရှာဖို့ ဟိုဟိုဒီဒီ လိုက်ကြည့်တဲ့အချိန်မှာ သစ်ပင်တစ်ပင်လုံးပေါ်မှာ မျောက်အုပ်စုလိုက်ကြီးကို တွေ့လိုက်ရပါတယ်.. မျောက်တိုင်းရဲ့ လက်ထဲမှာလည်း ဦးထုပ်သည်ကြီးရဲ့ ဦးထုပ် တစ်လုံးစီကို ကိုင်ဆောင်ထားကြပါတယ်.. ဦးထုပ်သည်ဟာ သစ်ပင်ခြေရင်းမှာ ထိုင်ချလိုက်ပြီး သူ့ဦးထုပ်တွေပြန်ရအောင် ဘယ်လိုလုပ်ရင်ကောင်းမလဲလို့ စဉ်းစားပါတယ်.. စဉ်းစား နေရင်းနဲ့ စိတ်ရှုပ်လာပြီး သူ့ခေါင်းကို ကုတ်လိုက်မိပါတယ်..
အံ့သြစရာ
သစ်ပင်ပေါ်က မျောက်အားလုံးဟာလည်း သူလုပ်တဲ့အတိုင်း ခေါင်းတွေကို ကုတ်နေကြပါတယ်.. နောက် ဦးထုပ်သည်က သူ့ဆောင်းထားတဲ့ ဦးထုပ်ကို ကိုင် လိုက်တဲ့အခါ မျောက်တွေဟာလည်း အဲဒီအတိုင်းဘဲ လုပ်ပြန်ပါတယ်.. ဒါကိုတွေ့လိုက်တဲ့ ဦးထုပ်သည်ဟာ သူ့ဦးထုပ်တွေ ပြန်ရဖို့ နည်းလမ်းကို စဉ်းစားမိပါတော့တယ်.. သူဟာ ဦးထုပ်ကို ခပ်ဝေးဝေး မြေပြင်ပေါ်ကို လွှင့်ပစ်လိုက်ပါတယ်.. မျောက်အားလုံးဟာလည်း သူလုပ်တဲ့အတိုင်း မြေပြင်ပေါ်ကို လွှင့်ပစ်လိုက်တဲ့အခါမှာတော့ ဦးထုပ်သည်ဟာ သူ့ဦးထုပ် အားလုံးကို ပြန်ရလိုက်ပါတယ်..
နောက် နှစ်ပေါင်း ၅၀ကြာတဲ့အခါမှာ ဦးထုပ်သည်ကြီးရဲ့ မြေးတစ်ယောက်ဟာလည်း ဦးထုပ်ရောင်းချသူ ဖြစ်လာပါတယ်.. သူဟာလည်း တစ်မြို့က တစ်မြို့ ကူးသန်းကာ ဦးထုပ်ရောင်းချရင်း တောအုပ်ကို ဖြတ်သန်းဖို့ ရောက်ရှိလာပါတော့တယ်.. နေပူပြင်းလွန်းတဲ့ အတွက် သစ်ပင်ကြီးရဲ့ အရိပ်အောက်မှာ ခရီးတစ်ထောက်နားဖို့ ဆုံးဖြတ်ပါတယ်.. သစ်ပင်အောက် ရောက်တဲ့အချိန်မှာ ဦးထုပ်တွေကို ဘေးမှာအသာချလို့ အိပ်ပျော် သွားပါတယ်.. သူနိုးလာတော့ ဦးထုပ်တစ်လုံးမှ မရှိတော့တာကို တွေ့လိုက်တဲ့အခါ သူငယ်စဉ်က အဖိုးထံမှ ကြားခဲ့ရဖူးတဲ့ ဇာတ်လမ်းလေးကို ပြန်သတိရသွားပါတယ်.. ဒါနဲ့ သစ်ပင်ပေါ်ကို မော့ကြည့်လိုက်တော့ သူ့အဖိုးတုန်းက လိုဘဲ မျောက်တွေဟာ သူ့ဦးထုပ် အားလုံးကို တစ်ကောင်ကို တစ်လုံးစီ ကိုင်ဆောင်ထားတာ တွေ့လိုက်ပါတယ်...
ဦးထုပ်သည်လေးဟာ သူ့အဖိုးရဲ့ စကားကို ပြန်သတိရပြီး အဖိုးလုပ်ခဲ့သလိုဘဲ.. သူ့ခေါင်းကို ကုတ်လိုက်ပါတယ်.. မျောက်အားလုံးဟာလည်း သူလုပ်သလို လိုက်ကုတ်ကြပါတယ်.. သူဟာ ဦးထုပ်ကို ချွတ်လိုက်ပြီး ယပ်ခတ်သလိုလုပ်တဲ့အခါ မျောက်အားလုံးဟာ သူလုပ်သလို လိုက်လုပ်ပြန်ပါတယ်.. သူ့အဖိုးရဲ့ အကြံပိုင်ပုံကို စဉ်းစားရင်း ဦးထုပ်သည်လေးဟာ သူ့ဦးထုပ်ကို အဝေးက မြေပြင်ပေါ်ကို လွှင့်ပစ်လိုက်ပါတယ်..
ဒီတစ်ခါတော့ ထူးဆန်းပါတယ်.. မျောက်တွေအားလုံး ဦးထုပ်ကို လွှင့်မပစ်ဘဲ ဆက်ပြီး ကိုင်ထားတာကို တွေ့ရပါတယ်.. ဦးထုပ်သည်လေးဟာ အလွန်ကို အံ့သြနေပါတယ်.. ဒီတစ်ခေါက် မျောက်တွေဟာ ဘာဖြစ်လို့များ သူလုပ်သလို လိုက်မလုပ် ကြတာပါလိမ့်လို့ စဉ်းစား နေမိပါတယ် . ဒီအချိန်မှာ မျောက်တစ်ကောင်ဟာ သစ်ပင်ပေါ်က ဆင်းလာပြီးတော့ သူလွှင့်ပစ်လိုက်တဲ့ ဦးထုပ်ကို အပြေး သွားကောက်ပြီး လက်ခုပ်လက်ဝါး တီးကာ ဦးထုပ်သည်လေးကို စကားတစ်ခွန်းဘဲ လှမ်းပြောလိုက်ပါတယ်.. ဘာပြောလိုက်တယ် ဆိုတာ စာဖတ်သူများ ခန့်မှန်းကြည့်ပါလားရှင်.. ပြောလိုက်တာက တစ်ခွန်းထဲပါနော်..
************* ****
************ *..
***********. .
*********..
********
*****..
****.
***
**.
*
**.
*
..
.
.
.*
*.
* မင်းတစ်ယောက်ဘဲ အဖိုးရှိတယ် ထင်သလားတဲ့*
ဟုတ်တာပေါ့.. မျောက်တွေကလဲ သူတို့အဖိုးဆီကနေ ဦးထုပ်ဇာတ်လမ်းလေးကို ကြားခဲ့ဖူးမှာ ပေါ့နော်... :) :) :)
-----------------------------------------------------------------------------------------------------------------------
အိမ်ထောင်သက် နှစ် ၅၀အကြာ
picture from google search
အိမ်ထောင်သက် ၅၀ရှိပြီ ဖြစ်တဲ့ အဖိုးအဖွား စုံတွဲဟာ အိပ်ရာဝင်ကြရင်း ကုတင်ပေါ်မှာ လှဲလျောင်းနေပါတယ်.. ယောက်ျားဖြစ်တဲ့ အဖိုးကြီးကတော့ မြန်မြန်ဆန်ဆန်ဘဲ အိပ်မောကျသွားပါတယ်.. သို့သော်လည်း အဖွားအိုကတော့ ရှေးဟောင်းနှောင်းဖြစ်တွေ ပြန်စဉ်းစားရင်း အိပ်မပျော်ဘဲ သူ့ယောက်ျားနဲ့ ကြည်ကြည်နူးနူး စကားတွေ ပြောချင်စိတ် ဖြစ်နေပါတယ်..
ဒီတော့ သူ့ယောက်ျားကို
“ ရှင် အရင်တုန်းကဆိုရင် ကျွန်မရဲ့ လက်ကလေးကို အမြဲတမ်း ဆုပ်ကိုင် ထားတတ်တယ်နော်.. ခုဆို အဲလို မကိုင်တာ အတော်တောင် ကြာပြီ.. ” လို့ ပြောလိုက်ပါတယ်.. သူ့ယောက်ျားဖြစ်သူ အဖိုးကလဲ သူ့မိန်းမ စိတ်ကျေနပ်စေဖို့ အိပ်ချင်မူးတူးနဲ့ လက်ကို လှမ်းကိုင်လိုက်ရင်း ပြန်အိပ်ပျော်သွားပါတယ်..
ခနလောက်အကြာမှာ အဖွားကြီးက “ ရှင်က အဲလို လက်ကလေးကို ကိုင်ပြီးရင် ကျွန်မကို အမြဲ နမ်းနေကျနော်.. ” လို့ပြောပြန်ပါတယ်..
အဖိုးကြီးကလဲ နည်းနည်းတော့ ကျွဲမြီးတိုလာပါတယ်.. ဒါပေမဲ့ မျက်စိမဖွင့်ချင် ဖွင့်ချင်နဲ့ သူ့မိန်းမပါးကို နမ်းလိုက်ပြီး ပြန်အိပ်ပျော်သွားပြန်ပါတယ်..
စက္ကန့် ၃၀လောက်အကြာမှာ မိန်းမဖြစ်သူက “ အဲဒီလို နမ်းပြီးတိုင်း ကျွန်မလည်ပင်းကို ရှင့်သွားလေးတွေနဲ့ ဖွဖွလေး ကိုက်နေကျနော် ” တဲ့..
အဖိုးကြီးဟာ ရုတ်တရက်ထပြီး ခြုံထားတဲ့စောင်ကို ဒေါသတကြီး ဆွဲဖယ်လိုက်ပါတယ်.. ပြီးတော့ ကုတင်ပေါ်က ဆင်းလိုက်ပါတယ်..
အဖွားကြီးက လှမ်းမေးလိုက်တယ်.. “ ရှင်ဘယ်သွားမလို့လဲ ”
အဖိုးကြီးက ပြန်ဖြေလိုက်ပါတယ်..
“ အေး မင်းကို ကိုက်ဖို့ ဖြုတ်ထားတဲ့ ငါ့သွားတုတွေ သွားယူမလို့ဟေ့ ” တဲ့
:) :) :)
Funzug.com မှ Hat Seller နှင့် After 50 Years ကို ဘာသာပြန်ပါသည်။
စာဖတ်သူများအားလုံး ကိုယ်စိတ်နှလုံး ရွှင်ပြုံးနိုင်ကြပါစေရှင်...
ချော (အစိမ်းရောင်လွင်ပြင်)
ပေါ့ပေါ့ပါးပါး ပြုံးစရာ (၁)
Wednesday, January 27, 2010
အပျော်မယား
တစ်နေ့ လင်ယောက်ျားနဲ့ သူ့မိန်းမ ဖြစ်သူတို့ဟာ စားသောက်ဆိုင် ကောင်းကောင်းတစ်ခုမှာ ညနေစာ စားသောက်နေကြပါတယ်… အဲလို စားနေချိန်အတွင်းမှာ ဆွဲဆောင်မှုကောင်းတဲ့ ငယ်ငယ်ရွယ်ရွယ် လှလှပပ အမျိုးသမီးလေး တစ်ယောက်ဟာ သူတို့ ၂ယောက်စားနေတဲ့ စားပွဲကို လျှောက်လာပြီး ယောက်ျားဖြစ်သူကို နမ်းလိုက်ကာ
“ ကျွန်မတို့ မကြာခင်မှာ တွေ့ရအောင် ” လို့ပြောပြီး အဝေးကို ထွက်ခွာသွားပါတယ်.. အဲဒါကို မြင်တဲ့ သူ့မိန်းမက ယောက်ျားဖြစ်သူကို မေးပါတယ်.. "သူက ဘယ်သူလဲ ".. ယောက်ျားဖြစ်သူကလဲ ပြန်ဖြေပါတယ်.. “ သူက ငါ့ရဲ့ အပျော်မယား ပါကွာ.. ” တဲ့
ဒီတော့ မိန်းမဖြစ်သူက “ အော.. ရှင်က အဲလိုလား… ဒါဆိုရင် ရှင့်ကို ကျွန်မ မပေါင်းတော့ဘူး… ကွာမယ် ”
“ အင်း ..ငါနားလည်ပါတယ်လေ.. ဒါပေမဲ့ ငါ့ကိုကွာမယ်ဆိုရင် မင်းတစ်ခု စဉ်းစားရမှာက ပြင်သစ်ကို ဈေးဝယ်ထွက်ဖို့ အခွင့်အရေး မင်းမှာ ရှိတော့မှာ မဟုတ်ဘူး.. ကရစ်ဘီယမ် ပင်လယ်ကိုလဲ အပျော်ခရီး ထွက်ခွင့် မရှိတော့ဘူး.. ပြီးတော့လဲ တစ်ခြားအခွင့်အရေး အများကြီး မင်းဆုံးရှုံးရဦးမယ်.. ဒီတော့ မင်းဘာသာမင်း ဆုံးဖြတ်ပါ…”
ထိုအချိန်လေးမှာ သူတို့၂ယောက်လုံးနဲ့ ရင်းနှီးတဲ့ အမျိုးသားတစ်ဦးဟာ ခပ်ချောချော အမျိုးသမီးနဲ့ တွဲပြီး စားသောက်ဆိုင်ထဲကို ၀င်လာ ပါတယ်.. မိန်းမက ယောက်ျားဖြစ်သူကို မေးလိုက်ပါတယ်.. “ ဂျင်မ် နဲ့တွဲလာတဲ့ မိန်းခလေးက ဘယ်သူလဲ ”… သူ့ယောက်ျားက “ အဲဒါ ဂျင်မ် ရဲ့ အပျော်မယား ” လို့ပြန်ဖြေပါတယ်..
မိန်းမဖြစ်သူပြန်ပြောလိုက်တဲ့ စကားက “ အိုး ကျွန်မတို့ဟာက သူ့အပျော်မယား ထက် ပိုချောတယ်. ” တဲ့
-----------------------------------------------------------------------------------------------------------------------------
ဝက်ဝံဖမ်းထွက်ခြင်း
လူနှစ်ယောက်ဟာ ၀က်ဝံဖမ်းဖို့ တောထဲကို ထွက်လာကြတယ်.. တောထဲက သစ်လုံးအိမ်ထဲမှာ ခေတ္တ အပန်းဖြေကြရင်း တစ်ယောက်သောသူက ၀က်ဝံ အရှာထွက်ဖို့ သစ်လုံးအိမ်ကနေ ထွက်လာခဲ့တယ်… မကြာခင်မှာ ကြီးမားလှတဲ့ ၀က်ဝံကြီးနဲ့ တွေ့တဲ့အခါ ပါလာတဲ့ သေနတ်နဲ့ ပစ်သော်လည်း ၀က်ဝံကြီးမှာ ဒဏ်ရာရယုံသာ ရသွားခဲ့ပါတယ်…
ဒေါသထွက်နေတဲ့ ၀က်ဝံဟာ ရန်မူဖို့ သူ့ဘက်ကိုလှည့်လာပါတယ်.. သူက ရိုင်ဖယ် သေနတ်ကို ပစ်ချလိုက်ပြီး ဖနှောင့်နဲ့ တင်ပါး တစ်သားတည်း ကျအောင် သစ်လုံးအိမ်ဘက်ကို ပြန်ပြေးပါတယ်… ဘယ်လိုပင် မြန်သထက် မြန်အောင် ပြေးသော်လည်း ၀က်ဝံအပြေးနှုန်းက သူ့ထက် အနည်းငယ် မြန်တဲ့ အတွက် မှီလုမှီခင် ဖြစ်လာပါတယ်…
သူက သစ်လုံးအိမ်ရဲ့ ပွင့်နေတဲ့ တံခါးနားရောက်တဲ့အခါ ခလုတ်တိုက်ပြီး မှောက်ရက် လဲကျသွားပါတယ်.. သူ့နောက်က ထပ်ချပ်မကွာ လိုက်လာတဲ့ ၀က်ဝံဟာ လဲကျနေတဲ့ သူ့ကို ခလုတ်ပြန်တိုက်မိပြီး သစ်လုံးအိမ်ထဲ အရှိန်နဲ့ ၀င်ရောက်သွားပါတယ်..
သူက ကဗျာကယာ ခုန်ထလိုက်ပြီး သစ်လုံးအိမ်တံခါးကို အပြင်ကနေ ပိတ်လိုက်ပါတယ်.. ပြီးနောက် သူ့သူငယ်ချင်းကို အော်ပြောလိုက်တယ်..
“ ငါ ၀က်ဝံတစ်ကောင် သွားထပ်ဖမ်းနေတုန်း ဒီအကောင်ကို မင်း အရေခွံ ဆုတ်ထားလိုက်..” ဟူ၍ ဖြစ်ပါတယ်…
------------------------------------------------------------------------------------------------------------------------
ရှေ့နေနဲ့ အင်္ဂျင်နီယာ ဥာဏ်ရည်ဘယ်သူကသာ
ရှေ့နေသုံးယောက်နဲ့ အင်္ဂျင်နီယာ သုံးယောက်တို့ဟာ တွေ့ဆုံဆွေးနွေးပွဲ တစ်ခုကို တက်ရောက်ကြဖို့ ဘူတာရုံကို ရောက်နေပါတယ်.. ရှေ့နေသုံးယောက်ဟာ ရထားလက်မှတ် အသီးသီး ၀ယ်ကြပြီး အင်္ဂျင်နီယာ သုံးယောက်ကတော့ လက်မှတ် တစ်စောင်တည်းသာ ၀ယ်ပါတယ်..
“ မင်းတို့ ၃ယောက်က လက်မှတ်တစ်စောင်ထဲနဲ့ ဘယ်လိုများ ခရီးသွားမလို့လဲ… ” လို့ ရှေ့နေတွေက သူတို့ကိုမေးပါတယ်..
“ စောင့်ကြည့်လေ… မကြာခင် တွေ့မှာပေါ့” လို့အင်္ဂျင်နီယာတွေက ပြန်ပြောပါတယ် …
ရထားပေါ်ရောက်တဲ့အခါ ရှေ့နေတွေက သူတို့ဝယ်ထားတဲ့ နေရာ အသီးသီးမှာ ၀င်ထိုင် လိုက်ကြပေမဲ့.. အင်္ဂျင်နီယာ သုံးယောက်ကတော့ ရထားရဲ့ စားသောက်တွဲကို ထွက်သွားပြီး အထဲကနေ တံခါးကို ပိတ်ထားလိုက်ပါတယ်.. မကြာခင်မှာ ရထားလက်မှတ်စစ်ဟာ လက်မှတ် များကို လိုက်လံ စစ်ဆေးဖို့ ရောက်လာပါတယ်.. တစ်နေရာပြီးတစ်နေရာ စစ်ဆေးနေရင်း စားသောက်တွဲထဲကို တံခါးခေါက်ပြီး
“ ကျေးဇူးပြုပြီး လက်မှတ် ပြပါ.. လက်မှတ် ” လို့ အော်လိုက်ပါတယ်..
တံခါး အနည်းငယ် ဟသွားပြီး အထဲမှ လက်တစ်ဘက် ထွက်လာကာ ရထားလက်မှတ်ကို လက်မှတ်စစ်ထံ လှမ်းပေးလိုက်ပါတယ်… လက်မှတ်စစ်လဲ စစ်ဆေးပြီးနောက် လက်မှတ်ကို သိမ်းလိုက်ကာ ပြန်ထွက်ခွာသွားပါတယ်..
အင်္ဂျင်နီယာတွေရဲ့ နည်းကို အရမ်းသဘောကျသွားတဲ့ ရှေ့နေတွေဟာ အပြန်ခရီးလဲကျရော ရထားလက်မှတ် တစ်စောင်တည်းသာ ၀ယ်ပါ တော့တယ်… ဒီတစ်ကြိမ်မှာ အင်္ဂျင်နီယာတွေ ကတော့ တစ်စောင်မှ မ၀ယ်တော့ ပါဘူးတဲ့..
“ လက်မှတ်မပါဘဲ ဘယ်လိုများ သွားကြဦးမလို့လဲ ” ရှေ့နေတွေက မေးပြန်တယ်..
“ စောင်ကြည့်ပါ ” လို့ဘဲ အင်္ဂျင်နီယာတွေက ပြန်ဖြေတယ်….
ရထားပေါ်ရောက်တော့ ရှေ့နေတွေက စားသောက်တွဲ တစ်ခုထဲ ၀င်ရောက်ပြီး တံခါးကို ပိတ်ထားလိုက်တယ်.. အင်္ဂျင်နီယာ သုံးယောက်က နောက် စားသောက်တွဲ တစ်ခန်းကို ၀င်သွားပါတယ်.. ရထားထွက်ပြီး မကြာခင်မှာ အင်္ဂျင်နီယာ တစ်ယောက် ထွက်လာပြီး ရှေ့နေတွေ ရှိနေတဲ့ စားသောက် တွဲကို တံခါး သွားခေါက်ပါတယ်..
“ ကျေးဇူးပြုပြီး လက်မှတ်ပြပါ..”
စားသောက်တွဲအတွင်းမှ လက်တစ်ဖက် ထွက်လာပြီး အင်္ဂျင်နီယာကို လက်မှတ် လှမ်းပေးလိုက်ပါတယ်.. အင်္ဂျင်နီယာက လက်မှတ်ကိုယူပြီး ကျန်၂ယောက်ရှိနေတဲ့ စားသောက်တွဲဘက် ထွက်သွားပါတော့တယ်…
Funnyjunkz.com မှ The Mistress, Catching the Bear , Lawyers and Engineers ကို ဘာသာပြန်ပါသည်။
ချော (အစိမ်းရောင်လွင်ပြင်)
မတူရင် မတုနဲ့
Wednesday, January 13, 2010
တစ်နေ့တော့ အောင်မြင်ထင်ရှားတဲ့ စကားပြောကောင်းသူ Mr A ဟာ သူရဲ့ပရိသတ်ကို စကား ဟောပြောဖို့အတွက် စင်ပေါ်ကို ရောက်နေပါတယ်…. စင်ပေါ်မှာ စိတ်လှုပ်ရှား တက်ကြွ စရာ စကားတွေပြောနေရင်းနဲ့ သူက စကားလေးတစ်ခွန်းကို ပရိသတ်ကို ပြောလိုက်ပါတယ်..
“ကျွန်တော်ဗျာ….ကျွန်တော့်ဘ၀ရဲ့ အကောင်းဆုံးနဲ့ အပျော်ရွှင်ဆုံး အချိန်တွေကို ကျွန်တော့မိန်းမ မဟုတ်တဲ့ အခြားမိန်းမတစ်ယောက်ရဲ့ လက်ထဲမှာ ကုန်ဆုံးခဲ့တယ် ”
အဲလိုလဲပြောလိုက်ရော ပရိသတ်ကြီးဟာ တစ်ခါတည်း အံ့သြပြီး ငြိမ်ကျသွားတယ်…ဒီလူ ဘယ်လိုများ ပြောလိုက်တာပါလိမ့်…ဒီလိုပေါ်တင်ကြီး ပြောစရာလားပေါ့….
အဲဒီချိန်မှာဘဲ ဆက်ပြီးသူပြောလိုက်တဲ့စကားက “ အဲဒီအမျိုးသမီးကတော့ ကျွန်တော့ အမေပါ ” တဲ့…
သူရဲ့စကားကြောင့် နားထောင်နေတဲ့ ပရိတ်သတ်တွေအားလုံး အားရပါးရ ရီမောကြပြီး အားရပါးရ လက်ခုပ် သြဘာ ပေးလိုက်ကြတယ်…
နောက်တစ်ပတ်ကြာတဲ့အခါ သူရဲ့ဟောပြောပွဲကို တက်ရောက်ခဲ့တဲ့ ရာထူးကြီးကြီး အရာရှိကြီး တစ်ယောက်က ဒီ Mr A ရဲ့ ထိရောက်လှတဲ့ ဟာသလေးကို အိမ်မှာ ပြန်ပြီး အရွှန်းဖောက်ဖို့ စိတ်ကူးရလိုက်တယ်..
အဲဒီညနေခင်းမှာ ထမင်းမစားခင် အရာရှိကြီးဟာ အရက်တော်တော်များများကလဲ သောက်ထားတော့ ခပ်ထွေထွေဖြစ်နေပြီ…..သူ့မိန်းမက ညနေစာအတွက် ထမင်းပွဲ ပြင်နေတယ်… သူ့မိန်းမကြားအောင် အရာရှိကြီးက အော်ပြောလိုက်တယ်…
“ငါ့တော့ ငါ့ဘ၀ရဲ့အကောင်းဆုံးအချိန်တွေကို မင်းမဟုတ်တဲ့ မိန်းမတစ်ယောက်ရဲ့ လက်ထဲမှာဘဲ ကုန်ဆုံးခဲ့ပြီဟေ့”
အရာရှိကြီးရဲ့ မိန်းမက တအံ့တသြနဲ့ “ရှင်ဘာပြောလိုက်တယ် …ပြန်ပြောစမ်းပါဦး ” ဒေါသတကြီး လှမ်းအော်ပါတော့တယ်…
အရက်ကြောင့် ထွေနေတဲ့ အရာရှိကြီးက ရုတ်တရက် ဘာဆက်ပြောရမှန်း စဉ်းစား မရတော့ဘူး…..ဟောပြောပွဲမှာတုန်းက Mr A က ဘယ်လို ဆက်ပြောလိုက်တယ် ဆိုတာကိုလဲ ပြန်စဉ်းစားမရတော့ဘူးတဲ့….ဒီတော့ သူက ပြောမိပြောရာ ပြောလိုက်မိတာက
“ဟာ….အဲဒီမိန်းမက ဘယ်သူလဲဆိုတာ ငါလဲဆက်စဉ်းစားလို့မရတော့ဘူးကွ…..မေ့သွားပြီ ”
နောက်ဆုံးတော့ အဲဒီအရာရှိကြီးက ဆေးရုံ ရောက်သွားပါတယ်….ရေနွေးပူပူနဲ့ အပက်ခံ လိုက်ရလို့ပါတဲ့……
ပက်လိုက်တဲ့သူကိုတော့ စာဖတ်သူများ ရိပ်မိပြီးဖြစ်မှာပါနော်……
ဒါကြောင့် ကျွန်မတော့ Don’t copy if you can’t paste! ဒီစာသားလေးကို ” မတူရင်မတုနဲ့” လို့ ဘဲ နံမည်ပေးလိုက်ပါတယ်…..ပျော်ရွှင်ကြပါစေနော်…
မူရင်းလေးက ဒီမှာပါ…..http://www.funzug.com/
ချော ( အစိမ်းရောင်လွင်ပြင်)